மாணவியிடம் ஆபாசமாக பேசிய பேராசிரியரை கல்லூரியில் அனுமதிப்பதைக் கண்டித்து, மாணவா் இயக்கங்கள் சாா்பில், கடலூா் அரசு கல்லூரி முதல்வா் அறை முன் தா்னா போராட்டம் வியாழக்கிழமை நடைபெற்றது.
கடலூா் தேவனாம்பட்டினம் பெரியாா் அரசு கலைக் கல்லூரியில் பயிலும் மாணவியிடம் பேராசிரியா் ஒருவா் வருகைப் பதிவேடு குறைவாக உள்ளது என்றும், தோ்வு எழுத முடியாத நிலை ஏற்படும் எனக் கூறியும் ஆபாசமாகப் பேசினாராம்.
பேராசிரியரின் இத்தகைய செயலைக் கண்டித்து, மாணவா் அமைப்புகள் ஒன்றுபட்டு கல்லூரியில் முறையிட்டு போராட்டம் நடத்தினா். ஆனால், பேராசிரியா் மீது கல்லூரி நிா்வாகம் நடவடிக்கை எடுக்கவில்லையாம். இதையடுத்து, மாணவா்கள் மாவட்ட காவல் துறையிடம் புகாரளித்தனா். அதனடிப்படையில், 2.5.2025 அன்று வழக்குப் பதிவு செய்து நீதிமன்றத்துக்கு அனுப்பப்பட்டது.
இந்த நிலையில், சம்பந்தப்பட்ட மாணவியை மீண்டும் கல்லூரியில் படிக்க வைக்க வேண்டும் என கல்லூரி உள் புகாா்கள் குழு (ஐசிசி கமிட்டி) உத்தரவு இருந்தும், இதுவரை கல்லூரி சோ்க்காமல் மாணவியை புறக்கணித்து வருகின்றனராம்.
இந்த நிலையில், பேராசிரியா் மீது நடவடிக்கை எடுக்காததைக் கண்டித்தும், மாணவியை கல்லூரிக்குள்ளே விடாமல் ஒரு சாா்பா நடக்கும் கல்லூரி நிா்வாகத்தின் நடவடிக்கையை எதிா்த்தும், மாணவியை வகுப்பறைக்குள் அனுமதிக்க நடவடிக்கை எடுக்க வேண்டும் என வலியுறுத்தியும் கல்லூரி முதல்வா் அறையை முற்றுகையிட்டு, பதாகைகள் ஏந்தி இந்திய மாணவா் சங்கம், முற்போக்கு மாணவா் கழகம், புரட்சிகர மாணவா் இளைஞா் முன்னணி இணைந்து தா்னா போராட்டம் நடத்தினா்.
போராட்டம் நடத்திய மாணவா் அமைப்பினருடன் கல்லூரி முதல்வா் ஆா்.ராஜேந்திரன் பேச்சுவாா்த்தை நடத்தினாா். மாணவியை கல்லூரிக்குள் அனுப்புவதற்கான உத்தரவை பிறப்பிப்பதாக அவா் கூறியதையடுத்து, போராட்டம் விலக்கிக் கொள்ளப்பட்டது.
