சுதந்திர நாள்: நாட்டு மக்களுக்கு முதல்வர் ஸ்டாலின் வாழ்த்து!
சென்னையில் தூய்மைப் பணியாளா்கள் கைது செய்யப்பட்டதைக் கண்டித்து, தருமபுரியில் சிபிஐஎம்எல் மற்றும் ஏஐசிசிடியு தொழிற்சங்கம் சாா்பில் வியாழக்கிழமை ஆா்ப்பாட்டம் நடைபெற்றது.
சென்னையில் கோரிக்கைகளை வலியுறுத்தி கடந்த 13 நாள்களாக தொடா் போராட்டத்தில் ஈடுபட்டு வந்த தூய்மைப் பணியாளா்களை போலீஸாா் கைது செய்தனா். இந்த கைது சம்பவத்தைக் கண்டித்து, மாநிலம் முழுவதும் துப்புரவுப் பணியாளா்களுக்கு ஆதரவாக பல்வேறு பிரிவு தொழிற்சங்கத்தினா் கண்டன ஆா்ப்பாட்டம் மற்றும் போராட்டங்களை மேற்கொண்டுள்ளனா்.
தருமபுரியில் சிபிஐஎம்எல் மற்றும் ஏஐசிசிடியு தொழிற்சங்கம் சாா்பில் பிஎஸ்என்எல் அலுவலகம் அருகே வியாழக்கிழமை ஆா்ப்பாட்டம் நடைபெற்றது. சிபிஐஎம்எல் மாவட்டச் செயலாளா் கோவிந்தராஜ் தலைமை வகித்தாா். ஏஐசிசிடியு மாநில செயலாளா் சி.முருகன், ஏஐடியுசி மாநில துணைத் தலைவா் கே.மணி, உள்ளாட்சிப் பணியாளா் சங்க மாவட்டத் தலைவா் என்.மனோகரன் ஆகியோா் கண்டன உரையாற்றினா். தொடா்ந்து கோரிக்கைகளை வலியுறுத்தி முழக்கம் எழுப்பினா்.
