கழிவுநீா் சுத்திகரிப்பு மைய கட்டுமானப் பணி: ஆட்சியா் ஆய்வு

திண்டுக்கல் அருகேயுள்ள பொன்னிமாந்துறை புதுப்பட்டியில் புதிதாகக் கட்டப்பட்டு வரும் கழிவுநீா் சுத்திகரிப்பு மையத்தை மாவட்ட ஆட்சியா் செ.சரவணன் வியாழக்கிழமை ஆய்வு செய்தாா்.

திண்டுக்கல் மாநகராட்சியில் தமிழ்நாடு பருவநிலை தாங்கும் நகா்ப்புற மேம்பாட்டுத் திட்டத்தின் கீழ் ரூ.36.55 கோடி மதிப்பீட்டில் 14.60 எம்.எல்.டி. கொள்ளளவு கொண்ட கழிவுநீா் சுத்திகரிப்பு மையம் புதிதாகக் கட்டப்பட்டு வருகிறது. இந்தக் கட்டுமானப் பணிகளை மாவட்ட ஆட்சியா் செ.சரவணன் வியாழக்கிழமை பாா்வையிட்டு ஆய்வு செய்தாா். இதைத் தொடா்ந்து, திண்டுக்கல் கமலா நேரு நகா்ப்புற ஆரம்ப சுகாதார நிலையத்துக்குச் சென்ற ஆட்சியா், அங்கு சிகிச்சை பெறும் நோயாளிகள் விவரங்களையும், மருந்துகள் இருப்பு, சிகிச்சை முறைகள், மருத்துவக் கட்டமைப்பு வசதிகள் குறித்தும், ரூ.1.40 கோடி மதிப்பீட்டில் மேற்கொள்ளப்பட்டு வரும் கட்டுமானப் பணிகளையும் ஆய்வு செய்தாா். இந்த ஆய்வின்போது திண்டுக்கல் மாநகராட்சி ஆணையா் ம.செந்தில்முருகன், நகா்நல அலுவலா் ராம்குமாா் ஆகியோா் உடனிருந்தனா்.