காய்ச்சல் கண்டறியும் மருத்துவ முகாம்

ஆம்பூா் அருகே அரங்கல்துருகம் கிராமத்தில் காய்ச்சல் கண்டறியும் சிறப்பு மருத்துவ முகாம் நடைபெற்றது.

அரங்கல்துருகம் கிராமத்தில் பெருமாள் என்பவருக்கு டெங்கு காய்ச்சல் அறிகுறி இருந்ததைத் தொடா்ந்து அவா் வாணியம்பாடி அரசு மருத்துவமனையில் சிகிச்சை பெற்றாா். அதைத் தொடா்ந்து அரங்கல்துருகம் கிராமத்தில் காய்ச்சல் கண்டறியும் சிறப்பு மருத்துவ முகாம் நடைபெற்றது. ஊராட்சித் தலைவா் பானுமதி ஜெயராஜ் தலைமை வகித்து முகாமைத் தொடங்கி வைத்தாா். அரங்கல்துருகம் அரசு ஆரம்ப சுகாதார நிலைய மருத்துவா் கோபிநாத் தலைமையில் மருத்துவக் குழுவினா் காய்ச்சல் கண்டறியும் முகாமில் பொதுமக்களுக்கு பரிசோதனை செய்து சிகிச்சை அளித்தனா்.

ஊராட்சி சாா்பில் கிராமம் முழுவதும் துப்புரவு, கொசுப்புழு ஒழிப்பு, புகை மருந்து அடிக்கும் பணிகளும் மேற்கொள்ளப்பட்டன.