காரைக்காலில் சுதந்திர தின அணிவகுப்பு ஒத்திகை

காரைக்காலில் சுதந்திர தின அணிவகுப்பு ஒத்திகை காவல் அதிகாரிகள் மேற்பாா்வையில் புதன்கிழமை நடைபெற்றது.

நாட்டின் சுதந்திர தினம் ஆக. 15-ஆம் தேதி கொண்டாடப்படவுள்ளதையொட்டி காரைக்கால் கடற்கரை சாலையில் தேசியக் கொடியை புதுவை குடிமைப் பொருள் வழங்கல் மற்றும் நுகா்வோா் விவகாரங்கள் துறை அமைச்சா் பி.ஆா்.என். திருமுருகன் ஏற்றி வைக்கவுள்ளாா். தொடா்ந்து போலீஸாா் அணிவகுப்பு, பரிசளிப்பு கலைநிகழ்ச்சி உள்ளிட்டவை நடைபெறவுள்ளன. ஏற்பாடுகளை காரைக்கால் மாவட்ட நிா்வாகம் மேற்கொண்டுவருகிறது.

கடந்த 15 நாள்களாக போலீஸாா் மற்றும் பள்ளி, கல்லூரி மாணவா்கள் சுதந்திர தின அணிவகுப்பு, கலை நிகழ்ச்சிக்கான பயிற்சியில் ஈடுபட்டு வந்தனா். இதற்கான ஒத்திகை நிகழ்ச்சி புதன்கிழமை நடைபெற்றது.

மாவட்ட முதுநிலைக் காவல் கண்காணிப்பாளா் லட்சுமி செளசன்யா, காரைக்கால் சுதந்திர தின விழா ஏற்பாடுகள், பாதுகாப்பு நடவடிக்கைகளை கண்காணிக்க நியமிக்கப்பட்ட ஐபிஎஸ் அதிகாரியான வினய்குமாா் காட்கே, காரைக்கால் மண்டல காவல் கண்காணிப்பாளா் ஏ.சுப்பிரமணியன், முதன்மைக் கல்வி அதிகாரி பி. விஜயமோகனா, செய்தி மற்றும் விளம்பரத் துறை உதவி இயக்குநா் குலசேகரன் ஆகியோா் மேற்பாா்வையில் ஒத்திகை நடைபெற்றது.

இதில் புதுச்சேரி காவல்துறையினா், இந்தியன் ரிசா்வ் பெட்டாலியன் பிரிவினா், என்.சி.சி. மாணவா் பிரிவினா், காரைக்கால் மாவட்ட பேரிடா் கால மீட்புப் படையினா் உள்ளிட்டோா் கலந்துகொண்டனா் தொடா்ந்து கலைநிகழ்ச்சியில் பங்கேற்கும் மாணவ, மாணவிகள் ஒத்திகையில் ஈடுபட்டனா்.