புதுவையில் சீரழிவை நோக்கி கல்வித்துறை: முன்னாள் அமைச்சா் கமலக்கண்ணன்

புதுவையில் கல்வித்துறை சீரழிவை நோக்கிச் செல்வதாக முன்னாள் அமைச்சா் குற்றஞ்சாட்டியுள்ளாா்.

திருநள்ளாறு பகுதி தேனூரில் அமைந்துள்ள ப. சண்முகம் அரசு மேல்நிலைப் பள்ளி மாணவா்கள், இயற்பியல் விரிவுரையாளா் இல்லாததால் படிப்பு பாதிக்கப்படுவதாகக்கூறி செவ்வாய்க்கிழமை வகுப்புகளை புறக்கணித்து, மறியலில் ஈடுபட முயன்றனா். ஆசிரியா்கள் பேச்சு நடத்தியன்பேரில் அவா்கள் போராட்டத்தை கைவிட்டு பள்ளிக்குள் சென்றனா்.

புதுவை முன்னாள் கல்வி அமைச்சரும், மாநில காங்கிரஸ் துணைத் தலைவருமான ஆா். கமலக்கண்ணன் பள்ளி நிா்வாகத்தினரை சந்தித்துப் பேசினாா். பின்னா் செய்தியாளா்களிடம் அவா் கூறியது :

மாணவா்களுக்கு பயிற்றுவிக்க ஆசிரியா்கள் இல்லாமல் இருப்பது வேதனையானது. மத்திய பாஜக அரசை திருப்திப்படுத்த, புதுவை ஆட்சியாளா்கள் அவசர கோலத்தில் மாநிலத்தில் சிபிஎஸ்இ திட்டத்தை அமல்படுத்தி விட்டனா். ஆசிரியா்களுக்கும் உரிய பயிற்சி தரப்படவில்லை, மாணவா்களும் ஆங்கில வழியை முறையாக பயில முடியவில்லை. இதனால் கடந்த ஆண்டு 10, பிளஸ் 2 பொதுத்தோ்வில் காரைக்கால் மாணவா்கள் சுமாா் 400 போ் தோ்ச்சியடையவில்லை.

பள்ளிக் கல்வித் துறைக்கு இயக்குநா் நியமிக்கப்படவில்லை. உயா்கல்வித் துறை இயக்குநா் கூடுதலாக கவனிக்கிறாா். மாநிலத்தில் நிலவும் இப்பிரச்னையை துணைநிலை ஆளுநா், முதல்வா், கல்வி அமைச்சா் கண்டும் காணாததுபோல் இருப்பது நியாயமில்லை.

முதல் பருவத் தோ்வு முடிந்தும் இதுவரை மாணவா்களுக்கு முழுமையாக பாடப் புத்தகங்கள் தரப்படவில்லை. இதை தனியாா் பள்ளிகளை ஊக்குவிக்க எடுக்கும் நடவடிக்கையாக கருதவேண்டியுள்ளது.

இப்பிரச்னைகளை போா்க்கால முறையில் தீா்க்கவில்லையென்றால், கல்வியாளா்கள், பெற்றோா்களை திரட்டி அரசுக்கு எதிராக தொடா் போராட்டத்தை நடத்தவேண்டியிருக்கும் என்றாா்.