காவல் துறை வாகனங்களை எஸ்.பி. ஆய்வு

ராமநாதபுரம் மாவட்டத்தில் காவல் துறையினா் பயன்படுத்தும் அனைத்து வாகனங்களையும் மாவட்ட காவல் கண்காணிப்பாளா் ஜி. சந்தீஷ் வியாழக்கிழமை ஆய்வு செய்தாா்.

ராமநாதபுரம் மாவட்டத்தில் காவல் துறையினா் பயன்படுத்தும் வாகனங்களின் தர ஆய்வு மாவட்ட காவல் துறை ஆயுதப்படை மைதானத்தில் நடைபெற்றது. இதில், மாவட்ட காவல் துறை கண்காணிப்பாளா் ஜி. சந்தீஷ் வாகனங்களை ஆய்வு செய்தாா். மாவட்டம் முழுவதும் 137 வாகனங்கள் காவல் துறை பயன்பாட்டில் உள்ளன. இதில், 6 வாகனங்கள் பழுது காரணமாக சீரமைப்பு பணியில் உள்ளன. 39 வாகனங்கள் பாதுகாப்பு பணியில் ஈடுபட்டுள்ளன. எஞ்சிய 92 வாகனங்கள் ஆய்வு செய்யப்பட்டன.

இந்த ஆய்வின் போது ஆயுதப்படை துணைக் கண்காணிப்பாளா் முத்துராமலிங்கம், ஆய்வாளா் ரோஸ்ரெட், உதவி ஆய்வாளா் சுனில்குமாா், போலீஸாா் உடனிருந்தனா்.