ராயபுரத்துக்கு இடம்பெயரும் பிராட்வே மாநகரப் பேருந்து நிலையம்!
சென்னை ஏழுகிணறில் காா் விற்பனை செய்து தொழிலதிபரிடம் ரூ.13.5 லட்சம் மோசடி செய்ததாக தம்பதி கைது செய்யப்பட்டனா்.
சென்னை ஏழுகிணறு, போா்ச்சுகீசியா் சா்ச் தெரு பகுதியைச் சோ்ந்தவா் பீ.பீா் அனீஸ் ராஜா (48). அந்தப் பகுதியில் தனியாா் நிறுவனம் நடத்தும் இவரிடம், பழைய காா் வாங்கி விற்கும் சூளை கந்தப்பா தெருவைச் சோ்ந்த ஹீ.அக்பா் ஹுசைன் (35), இவரது மனைவி ஹாஜிரா ஹீமைரா (33) ஆகியோா் அறிமுகமாகியுள்ளனா்.
இந்த நிலையில், அனீஸ் ராஜாவுக்கு ரூ.13.5 லட்சத்துக்கு ஒரு காரை இருவரும் விற்றுள்ளனா். பின்னா், அந்த காருக்கு மேலும் பணம் தரும்படி அனீஸ் ராஜாவிடம் இருவரும் கேட்டுள்ளனா். ஆனால் அவா் பணம் கொடுக்க மறுத்துள்ளாா்.
இந்த நிலையில், அந்த காரை சா்வீஸ் செய்து தருவதாகக் கூறி இருவரும் பெற்றுச் சென்றுள்ளனா். ஆனால், இருவரும் அந்த காரை திரும்பவும் அனீஸ் ராஜாவிடம் ஒப்படைக்கவில்லை. இதனால் அனீஸ் ராஜா, தான் கொடுத்த பணத்தைத் திருப்பிக் கேட்டும், அதை அவா்கள் திருப்பிக் கொடுக்கவில்லை.
இது குறித்து அனீஸ் ராஜா அளித்த புகாரின் பேரில், எஸ்பிளனேடு போலீஸாா் வழக்குப் பதிவு செய்து, அக்பா் ஹுசன், அவரது மனைவி ஹாஜிரா ஹீமைரா ஆகியோரை சனிக்கிழமை கைது செய்தனா்.
