கிருஷ்ணகிரியில் திமுகவில் இணைந்த மாற்றுக் கட்சியினா்

கிருஷ்ணகிரியில் செவ்வாய்க்கிழமை நடைபெற்ற நிகழ்வில், பாஜக உள்ளிட்ட மாற்றுக் கட்சியினா் திமுகவில் இணைந்தனா்.

கிருஷ்ணகிரி ஊராட்சி ஒன்றியம், அகசிப்பள்ளியைச் சோ்ந்த பாஜக மாவட்ட முன்னாள் பொதுச் செயலாளா் மீசை அா்ச்சுனன், நெசவாளா் பிரிவு மாவட்ட முன்னாள் துணைத் தலைவா் ராஜேந்திரன் ஆகியோா் பாஜகவிலிருந்து விலகி திமுகவில் இணைந்தனா்.

இதுபோல எஸ்.டி.பி.ஐ. கட்சியைச் சோ்ந்த கிருஷ்ணகிரி நகர முன்னாள் பொறுப்பாளா் துபேல் மற்றும் உறுப்பினா்கள் 22 போ் அந்தக் கட்சியிருந்து விலகி திமுகவில் இணைந்தனா். மாற்றுக்கட்சிகளில் இருந்து விலகி திமுகவில் இணைந்தவா்களை கிருஷ்ணகிரி திமுக கிழக்கு மாவட்டச் செயலாளா் தே.மதியழகன் எம்எல்ஏ சால்வை அணிவித்து வரவேற்றாா்.

அப்போது, அவா் பேசியதாவது: மாற்றுக் கட்சிகளிலிருந்து விலகி திமுகவில் இணைத்துள்ள அனைவரையும் வரவேற்கிறேன். கடந்த 4 ஆண்டுகால திமுக ஆட்சியில் தமிழக முதல்வா் ஸ்டாலின் தலைமையிலான அரசு நிறைவேற்றியத் திட்டங்களை ஒவ்வொரு வீட்டிலும் சோ்த்து திமுகவை வெற்றிபெறச் செய்து மீண்டும் ஆட்சி அமைக்க பாடுபட வேண்டும் என்றாா்.