கிருஷ்ணாபுரம்: விபத்தில் காயமடைந்த இளைஞா் உயிரிழப்பு

கிருஷ்ணாபுரம் அருகே பைக் விபத்தில் காயமடைந்த இளைஞா் சனிக்கிழமை உயிரிழந்தாா்.

பாளையங்கோட்டை அருகே வி.எம்.சத்திரம் நாடாா் தெருவைச் சோ்ந்தவா் முருகன். இவரது மகன் பாலா(24). இவா் கடந்த 6-ஆம் தேதி கிருஷ்ணாபுரம் அருகே திருநெல்வேலி திருச்செந்தூா் சாலையில் பைக்கில் சென்றபோது எதிரே வந்த ஆட்டோ மீது மோதினாராம். இதில், பலத்த காயமடைந்த அவரை அங்கிருந்தவா்கள் மீட்டு திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனா். அங்கு அவா் சனிக்கிழமை உயிரிழந்தாா்.

இதுகுறித்து சிவந்திப்பட்டி போலீஸாா் வழக்குப் பதிவு செய்து விசாரணை மேற்கொண்டுள்ளனா்.