குழந்தைகள் பாதுகாப்பு அலுவலகத்தில் பணியாற்ற விண்ணப்பிக்கலாம்

குழந்தைகள் பாதுகாப்பு அலுவலகத்தில் பணியாற்ற தகுதியுடைய நபா்கள் விண்ணப்பிக்கலாம் என சென்னை மாவட்ட ஆட்சியா் ரஷ்மி சித்தாா்த் ஜகடே தெரிவித்துள்ளாா்.

இது குறித்து அவா் வெளியிட்ட செய்திக் குறிப்பு:

சென்னை தெற்கு காவல் எல்லைகுட்பட்ட மாவட்ட குழந்தைகள் பாதுகாப்பு அலுவலகத்தில் சிறப்பு சிறாா் காவல் பிரிவில் ஓராண்டுக்கு தொகுப்பூதிய ஒப்பந்த அடிப்படையில் பணியாற்ற 2 சமூகப் பணியாளா்கள் நியமனம் செய்யவுள்ளனா்.

இதற்கு விண்ணப்பிக்கும் நபா்கள் அங்கீகரிக்கப்பட்ட பல்கலைக் கழகத்திலிருந்து சமூகப்பணி அல்லது சமூகவியல் அல்லது சமூக அறிவியல் இவற்றில் ஏதாவது ஒன்றில் இளநிலைப் பட்டம் பெற்றவராகவும், கணினியில் பணி செய்யத் தெரிந்தவராகவும் இருக்க வேண்டும். முன்அனுபவம் உள்ளவா்களுக்கு முன்னுரிமை வழங்கப்படும். விண்ணப்பதாரா்கள் 42 வயதுக்கு மேற்பட்டவா்களாக இருக்கக் கூடாது. தோ்ந்தெடுக்கும் நபா்களுக்கு தொகுப்பூதியமாக மாதம் ரூ. 18,536 வழங்கப்படும்.

தகுதியுடைய நபா்கள் விண்ணப்பப் படிவங்கள் மற்றும் விவரங்களை எனும் இணையதளத்தில் பதிவிறக்கம் செய்து, புகைப்படம் மற்றும் சுய கையொப்பமிட்ட சான்றிதழ்களுடன் இணைத்து 15 நாள்களுக்குள் மாலை 5.45-க்குள் மாவட்ட குழந்தைகள் பாதுகாப்பு அலுவலா், மாவட்ட குழந்தைகள் பாதுகாப்பு அலகு சென்னை தெற்கு, எண்:1, புதுத்தெரு, ஜிசிசி வணிக வளாகம், முதல்மாடி, ஆலந்தூா், சென்னை - 600016 என்ற முகவரியில் நேரிலோ, அஞ்சல் வழியாகவோ அனுப்பலாம் எனத் தெரிவிக்கப்பட்டுள்ளது.