கொன்னைப்பட்டியில் ‘உங்களுடன் ஸ்டாலின்’ திட்ட சிறப்பு முகாம்

பொன்னமராவதி ஒன்றியம் கொன்னைப்பட்டி ஊராட்சியில் உங்களுடன் ஸ்டாலின் திட்ட சிறப்பு முகாம் வியாழக்கிழமை நடைபெற்றது.

முகாமுக்கு மாவட்ட உதவித்திட்ட அலுவலா் (மகாத்மா காந்தி வேலை உறுதித் திட்டம்) எஸ். சடையப்பன் தலைமை வகித்தாா். வட்டார வளா்ச்சி அலுவலா்கள் பாலசுப்பிரமணியன், வெங்கடேசன், வட்டாட்சியா் எம். சாந்தா ஆகியோா் முன்னிலை வகித்தனா். முகாமில் பல்வேறு துறை சாா்ந்த அலுவலா்கள் பங்கேற்று கொன்னைப்பட்டி, செம்பூதி, தேனூா், கொப்பனாபட்டி உள்ளிட்ட ஊராட்சி பொதுமக்களிடம் கோரிக்கை மனுக்களைப் பெற்றனா். இதில் மகளிா் உரிமைத் தொகை வேண்டி அதிக மனுக்கள் பெறப்பட்டன.

முகாமில் குடும்ப அட்டை திருத்தம், சான்றிதழ் வேண்டி அளிக்கப்பட்ட மனுக்களுக்கு உடனடித் தீா்வு காணப்பட்டது. முகாமில் திமுக தெற்கு ஒன்றியச் செயலா் அ. அடைக்கலமணி, வடக்கு ஒன்றியச் செயலா் அ. முத்து, சமூக வலைத்தளப்பிரிவு நிா்வாகி ஆலவயல் முரளிசுப்பையா, தனி வட்டாட்சியா் பழனிச்சாமி, துணை வட்டாட்சியா்கள் சேகா், திலகா, திருப்பதி வெங்கடாசலம் மற்றும் பல்வேறு துறை சாா்ந்த அலுவலா்கள் பங்கேற்றனா்.