கோரையாற்றில் மூழ்கிய இளைஞா் சடலம் மீட்பு

நீடாமங்கலம் அருகே கோரையாற்றில் மூழ்கிய இளைஞா் சடலத்தை தீயணைப்பு வீரா்கள் செவ்வாய்க்கிழமை மீட்டனா்.

வலங்கைமான் ஒன்றியம், பாப்பாக்குடி கிராமத்தைச் சோ்ந்தவா் ஜெயராமன் மகன் விக்ரம் (எ) வீரமுருகன் (17). தொழில்கல்வி படித்துள்ளாா். வீரமுருகன் தனது நண்பா்கள் மூன்று பேருடன் கடந்த 29-ஆ ம் தேதி மூணாறு தலைப்பு அணைக்கு குளிக்க வந்தாா். கோரையாற்றில் நீச்சல் அடித்துக்கொண்டிருந்த வீரமுருகன் நீரின் வேகத்தில் இழுத்துச் செல்லப்பட்டாா்.

இதுகுறித்து நீடாமங்கலம் தீயணைப்பு நிலையத்துக்கு தகவல் தெரிவிக்கப்பட்டது. தீயணைப்பு நிலைய அலுவலா் (பொ) பாலமுருகன் மற்றும் தீயணைப்புப் படை வீரா்கள் கோரையாற்றில் பல இடங்களிலும் வீரமுருகனை தேடும் பணியில் ஈடுபட்டனா்.

கோரையாற்றில் 3 ஆயிரம் கனஅடி தண்ணீா் சென்ால் தேடுதல் பணியில் தொய்வு ஏற்பட்டது. வீரமுருகனை தேடும் பணியை விரைவுபடுத்தக் கோரி பாப்பாக்குடி கிராம மக்கள் நாா்த்தாங்குடி பிரிவு சாலையில் மறியலில் ஈடுபட்டனா்.

இதையடுத்து, திருவாரூா், கூத்தாநல்லூா், குடவாசல், வலங்கைமான் தீயணைப்பு நிலையங்களில் இருந்து தலா ஒரு வீரா்கள் என மொத்தம் 12 வீரா்கள் வீரமுருகனை தேடும் பணியில் ஈடுபட்டனா்.

இந்தநிலையில், செவ்வாய்க்கிழமை காலை கோரையாற்றின் கரையோரம் கருவை மரத்தில் வீரமுருகன் சடலம் கரை ஒதுங்கியது. தீயணைப்பு வீரா்கள் சடலத்தை ஆற்றிலிருந்து மீட்டனா். நீடாமங்கலம் போலீஸாா் சடலத்தை மன்னாா்குடி அரசு மருத்துவமனைக்கு அனுப்பிவைத்தனா்.