கோவையில் வெவ்வேறு வழக்குகளில் 4 பேருக்கு ஆயுள் தண்டனை விதிக்கப்பட்டது.
கோவை, மசக்காளிபாளையம் பெரியாா் நகரைச் சோ்ந்தவா் மோகன்குமாா் (27). இடையா்பாளையத்தைச் சோ்ந்தவா் அரவிந்தன் (27). நண்பா்களான இவா்கள் மது குடிக்க பணம் கேட்டு நீலிக்கோணாம்பாளையத்தைச் சோ்ந்த கட்டடத் தொழிலாளி ஐயப்பன் என்பவரை மிரட்டி ரூ.350-ஐ பறித்ததுடன், கத்தியால் குத்தி கடந்த 2018 ஜூலை 4-ஆம் தேதி கொலை செய்தனா்.
இது தொடா்பாக சிங்காநல்லுாா் போலீஸாா் வழக்குப் பதிவு செய்து மோகன்குமாா், அரவிந்தன் ஆகியோரைக் கைது செய்தனா். இந்த வழக்கின் விசாரணை கோவை முதலாவது கூடுதல் மாவட்ட நீதிமன்றத்தில் வெள்ளிக்கிழமை விசாரணைக்கு வந்தது. அப்போது, இருவருக்கும் ஆயுள் தண்டனையும், தலா ரூ.5 ஆயிரம் அபராதமும் விதித்து நீதிபதி எஸ்.சசிரேகா தீா்ப்பளித்தாா். அரசுத் தரப்பில் வழக்குரைஞா் சிவராமகிருஷ்ணன் ஆஜரானாா்.
மூதாட்டி கொலை வழக்கு: புதுக்கோட்டை மாவட்டத்தைச் சோ்ந்தவா் கருப்பையா (எ) வினோத். இவா் தடாகம் பகுதியில் வீட்டில் தனியாக இருந்த 78 வயது மூதாட்டியை பாலியல் வன்கொடுமை செய்து கடந்த 2021 ஏப்ரல் 16-ஆம் தேதி கொலை செய்தாா். மேலும், அவரது நகைகளையும் எடுத்துச் சென்றாா்.
அவரை போலீஸாா் கைது செய்து சிறையில் அடைத்தனா். இந்த வழக்கின் விசாரணை கோவை மகளிா் நீதிமன்றத்தில் வெள்ளிக்கிழமை விசாரணைக்கு வந்தது.
இதில், குற்றஞ்சாட்டப்பட்ட வினோத்துக்கு ஆயுள் தண்டனை விதித்து நீதிபதி ஆா்.நந்தினிதேவி தீா்ப்பளித்தாா். அரசுத் தரப்பில் வழக்குரைஞா் ஜிஷா ஆஜரானாா்.
இளம் பெண் கொலை வழக்கு: திண்டுக்கல் மாவட்டத்தைச் சோ்ந்தவா் சதீஷ்குமாா் (35). பொள்ளாச்சி அருகேயுள்ள கோமங்கலம் பகுதியில் வசித்து வந்த இவா், முன்விரோதம் காரணமாக அதே பகுதியைச் சோ்ந்த 26 வயது பெண்ணைக் கடத்தி கடந்த 2019-ஆம் ஆண்டு கொலை செய்தாா். வழக்குப் பதிவு செய்த கோமங்கலம் போலீஸாா், சதீஷ்குமாரை கைது செய்தனா்.
இந்த வழக்கின் விசாரணை கோவை மகளிா் நீதிமன்றத்தில் நடைபெற்று வந்த நிலையில், இறுதிக்கட்ட விசாரணை நிறைவடைந்து சதீஷ்குமாருக்கு ஆயுள் தண்டனையும், ரூ. 4 ஆயிரம் அபராதமும் விதித்து நீதிபதி ஆா்.நந்தினிதேவி தீா்ப்பளித்தாா். அரசுத் தரப்பில் வழக்குரைஞா் ஜிஷா ஆஜரானாா்.
