வெள்ளக்கோவில் அருகே இருசக்கர வாகனத்தில் இருந்து கீழே விழுந்த சமையலா் உயிரிழந்தாா்.
திருச்சி மாவட்டம், திருவெறும்பூா் தாலுகா, நவல்பட்டு அருகேயுள்ள சோழமாதேவி பண்டார தெருவைச் சோ்ந்தவா் ஏ. மாணிக்கவாசகம் (47). இவா், கோவை மாவட்டம், மேட்டுப்பாளையத்தில் உள்ள பிளாக் தண்டரில் தலைமை சமையலராக வேலை செய்து வந்தாா்.
இந்நிலையில், மேட்டுப்பாளையத்தில் இருந்து தனது சொந்த ஊருக்கு இருசக்கர வாகனத்தில் கடந்த 25 -ஆம் தேதி சென்று கொண்டிருந்துள்ளாா்.
காங்கயம் - வெள்ளக்கோவில் தேசிய நெடுஞ்சாலையில் இரட்டைக்கிணறு அருகே சென்றபோது, நிலைத்தடுமாறி வாகனத்தில் இருந்து கீழே விழுந்தாா்.
இதில், தலையில் படுகாயமடைந்த அவரை அப்பகுதி மக்கள் மீட்டு வெள்ளக்கோவில் ஆரம்ப சுகாதார நிலையத்துக்கு அனுப்பிவைத்தனா். அங்கு முதலுதவி சிகிச்சைக்குப் பின் மேல் சிகிச்சைக்காக திருச்சி மருத்துவமனையில் அனுமதிக்கப்பட்டிருந்த அவா் ஞாயிற்றுக்கிழமை உயிரிழந்தாா்.
மாணிக்கவாசகத்துக்கு, சித்ரா (39) என்ற மனைவியும், மகேஸ்வரன் (22) என்ற மகன், ராஜேஸ்வரி (19) என்ற மகளும் உள்ளனா்.
விபத்து குறித்து வெள்ளக்கோவில் போலீஸாா் வழக்குப் பதிவு செய்து விசாரணை நடத்தி வருகின்றனா்.
