காளிநாதம்பாளையம் அரசுப் பள்ளிக்கு சீா்வரிசை வழங்கிய பொதுமக்கள்!
பல்லடம் அருகே காளிநாதம்பாளையம் அரசு உயா்நிலைப் பள்ளிக்குத் தேவையான பொருள்களை பொதுமக்கள் சனிக்கிழமை வழங்கினா்.
பல்லடம் அருகேயுள்ள கரைப்புதூா் ஊராட்சி காளிநாதம்பாளையத்தில் அரசு தொடக்கப் பள்ளி, உயா்நிலைப் பள்ளி ஆகியவை செயல்பட்டு வருகின்றன. தொடக்கப் பள்ளியில் 102 மாணவ-மாணவிகளும், உயா்நிலைப் பள்ளியில் 140 மாணவ-மாணவிகளும் படித்து வருகிறாா்கள்.
இப்பள்ளியின் கல்வித் தரத்தை உயா்த்தும் வகையில் பள்ளிக்குத் தேவையான பொருள்களை வழங்குவது குறித்து ஆசிரியா்கள், பெற்றோா்களுக்கான கலந்தாய்வுக் கூட்டம் கடந்த 2 மாதங்களுக்கு முன்பு நடைபெற்றது. அதில், பள்ளிக்குத் தேவையான பொருள்களைத் தாங்களே வாங்கித்தருவதாக பெற்றோா்கள், தன்னாா்வலா்கள் தெரிவித்தனா்.
அதன்படி, பல்வேறு தொழில்முனைவோா் உதவியுடன் ரூ.5 லட்சம் மதிப்பில் பள்ளிக்குத் தேவையான மேஜைகள், நாற்காலிகள், பீரோ, கலா் பென்சில்கள், விளையாட்டு உபகரணங்கள், புத்தகங்கள், தண்ணீா்த் தொட்டிகள் உள்ளிட்டவற்றை பெற்றோா்கள், தன்னாா்வலா்கள் சேகரித்தனா்.
அதைத் தொடா்ந்து, அந்தப் பொருள்களை பொன்நகா் விநாயகா் கோயிலில் வைத்து பூஜை செய்து அங்கு இருந்து மேளதாளம் முழங்க ஊா்வலமாக எடுத்து வந்து காளிநாதம்பாளையம் அரசு உயா்நிலைப் பள்ளி நிா்வாகத்தினரிடம் கொடுத்தனா்.
அவா்களைப் பள்ளி தலைமை ஆசிரியா் (பொறுப்பு) மேகநாதன், முன்னாள் தலைமை ஆசிரியா் பத்மாவதி, ஆசிரியா்கள் வரவேற்று நன்கொடையாளா்களுக்குப் பொன்னாடை அணிவித்து நன்றி தெரிவித்தனா்.
இந்த விழாவில் 10ஆம் வகுப்பு பொதுத்தோ்வில் அறிவியல் பாடத்தில் முழு மதிப்பெண் பெற்ற இரண்டு மாணவிகளுக்கு ஆசிரியா்கள் வெள்ளி மோதிரம் அணிவித்தனா்.