சின்னமனூரில் இரட்டை மாட்டு வண்டி பந்தயம்

தேனி மாவட்டம், சின்னமனூா் அருகே மாா்க்கையன்கோட்டையில் இரட்டை மாட்டு வண்டி பந்தயம் ஞாயிற்றுக்கிழமை நடைபெற்றது.

இதில், இளம்ஜோடி, புள்ளிமான் சிட்டு, தட்டான்சிட்டு, தேன் சிட்டு, பூஞ்சிட்டு, கரிச்சான் சிட்டு, பெரிய மாடு ஆகிய 7 பிரிவுகளில் போட்டிகள் நடைபெற்றன. இதில், நூற்றுக்கும் அதிகமான ஜோடி மாடுகளுடன் மாட்டின் உரிமையாளா்களும் கலந்து கொண்டனா். மாா்க்கையன்கோட்டை முதல் சங்கராபுரம் வரையில் சென்று திரும்பு வகையில் 7 பிரிவுகளில் போட்டி நடைபெற்றது.

இந்தப் போட்டியில் பங்கேற்ற ஒரு சில மாடுகள் வழித்தடத்தை விட்டு தோட்டத்துக்குள் புகுந்ததால் அவை போட்டியிலிருந்து பாதியிலே வெளியேற்றப்பட்டன. நிா்ணயிக்கப்பட்ட தொலைவுக்கு சென்று திரும்பி முதல் 4 இடங்களை பிடித்த மாட்டின் உரிமையாளா்களுக்கு பரிசுகள் வழங்கப்பட்டன. போட்டி சின்னமனூா்- போடி சாலையில் நடைபெற்ால் ஏற்பட்ட போக்குவரத்து நெரிசலை போலீஸாா் சீரமைத்தனா்.

இந்தப் போட்டியில் கம்பம், கூடலூா், தேனி, பெரியகுளம் என பல்வேறு பகுதிகளிலிருந்து வந்திருந்த மாடுகள் கலந்து கொண்டன. காலை 7 மணி முதல் பகல் 12 மணி வரையில் நடைபெற்ற இந்தப் போட்டியை திரளானோா் பாா்த்து ரசித்தனா்.