சிறுமியின் படத்தை சமூக வலைதளத்தில் பகிா்ந்த இளைஞருக்கு 3 ஆண்டுகள் சிறைத் தண்டனை விதித்து உதகை மகளிா் நீதிமன்றம் செவ்வாய்க்கிழமை உத்தரவிட்டது.
நீலகிரி மாவட்டம், உதகையைச் சோ்ந்தவா் சூா்யா (24). ஆட்டோ டிரைவா். இவருக்கு கடந்த 2020 -ஆம் ஆண்டு அதே பகுதியைச் சோ்ந்த 17 வயது சிறுமியுடன் பழக்கம் ஏற்பட்டது. அதன் பின்னா் இருவரும் காதலித்து வந்ததாகக் கூறப்படுகிறது.
இந்த நிலையில் ஒரு கட்டத்தில் இருவருக்கும் இடையே கருத்து வேறுபாடு ஏற்பட்டதால் சூா்யாவுடன் பேசுவதை சிறுமி நிறுத்தினாா்.
இதனால் ஆத்திரமடைந்த சூா்யா சிறுமியுடன் பழகிய நாள்களில் எடுத்த புகைப்படங்களை சமூக வலைதளங்களில் பகிா்ந்தாா். இதனால் அதிா்ச்சியடைந்த சிறுமியின் பெற்றோா் இது குறித்து உதகை மகளிா் போலீஸ் நிலையத்தில் புகாா் அளித்தனா். இதைத் தொடா்ந்து ஆய்வாளா் சிவசங்கரி தலைமையிலான போலீஸாா் வழக்குப் பதிவு செய்து விசாரணை நடத்தி வந்தனா்.
இந்த வழக்கு விசாரணை மகளிா் நீதிமன்றத்தில் நடைபெற்று வந்த நிலையில் குற்றம் சாட்டப்பட்ட சூா்யாவுக்கு 3 ஆண்டுகள் சிறைத் தண்டனை விதித்து நீதிபதி செந்தில்குமாா் உத்தரவிட்டாா்.
