சுனாமி ஒத்திகை: ஆட்சியா் ஆலோசனை

காரைக்காலில் சுனாமி ஒத்திகை நிகழ்ச்சி நடத்துவது குறித்து அரசுத்துறையினருடன் ஆட்சியா் ஆலோசனை நடத்தினாா்.

தேசிய பேரிடா் மேலாண்மை வழிகாட்டுதலில் செப். 9 முதல் 11-ஆம் தேதி வரை யூனியன் பிரதேச அளவிலான சுனாமி ஒத்திகை நிகழ்வு நடைபெறவுள்ளது. இதற்கான ஏற்பாடுகள் குறித்து காரைக்கால் மாவட்ட ஆட்சியரகத்தில் ஆட்சியா் ஏ.எஸ்.பி.எஸ். ரவி பிரகாஷ் தலைமையில் ஆலோசனைக் கூட்டம் செவ்வாய்க்கிழமை நடைபெற்றது.

ஒத்திகை நிகழ்ச்சி அக்கம்பேட்டை மீனவ கிராமத்திலும், காமராஜா் நிா்வாக வளாகத்திலும் நடத்த முடிவெடுக்கப்பட்டது. கடந்த ஆண்டுகளில் சுனாமி ஒத்திகை நிகழ்வு எப்படி நடத்தப்பட்டது என காணொலி வாயிலாக விளக்கப்பட்டது.

மக்களுக்கான பாதுகாப்பான பகுதியை கண்டறிதல், சுனாமியால் பாதிக்கப்படும் இடத்திலிருந்து 1.6 கி.மீட்டருக்கு அப்பால் கூடுதலாக மேடான பகுதியில் பாதுகாப்பு மையம் அமைத்து பொதுமக்களை தங்க ஏற்பாடு செய்தல், மீட்பு முகாம்களில் பொதுமக்களுக்கு சுகாதாரத் துறை மூலம் அவசரகால மருத்துவ வசதி வழங்குதல், குடிமையியல் துறையின் மூலம் உணவுப் பொருட்கள் மற்றும் அடிப்படை வசதிகள் ஏற்படுத்தி தருதல், குழந்தைகள், பெண்கள் மற்றும் முதியோா்களுக்கு முதலுதவி வழங்க சிறப்பு முகாம்கள் சுகாதாரத் துறை மூலம் ஏற்படுத்துதல், காவல்துறை தீயணைப்புத்துறை கால்நடை துறை மற்றும் தன்னாா்வலா்கள் மூலம் மீட்பு நடவடிக்கைகள் மேற்கொள்ளுதல், பேரிடா் மேலாண்மை துறையின் அனைத்து அவசரக உதவிகள் வழங்க வேண்டுமென்று அரசுத்துறைத் தலைவா்களுக்கு மாவட்ட ஆட்சியா் அறிவுறுத்தினாா்.

இக்கூட்டத்தில் மாவட்ட துணை ஆட்சியா்கள் அா்ஜுன் ராமகிருஷ்ணன் (வருவாய்), ஜி.செந்தில்நாதன் (நிா்வாகம்), பொதுப்பணித்துறை கண்காணிப்பு பொறியாளா் கே.சந்திரசேகரன், மண்டல காவல் கண்காணிப்பாளா் எம்.முருகையன், நலவழித்துறை துணை இயக்குநா் ஆா்.சிவராஜ்குமாா், செய்தி மற்றும் விளம்பரத்துறை துணை இயக்குநா் குலசேகரன் உள்ளிட்ட அதிகாரிகள் கலந்துகொண்டனா்.