மீனவ கிராமங்களைச் சோ்ந்தோருக்கு குடியிருப்பு மனைப் பட்டா வழங்க வேண்டும் என புதுவை அமைச்சரிடம் எம்.எல்.ஏ. வலியுறுத்தியுள்ளாா்.
நெடுங்காடு தொகுதி சட்டப்பேரவை உறுப்பினா் சந்திர பிரியங்கா, புதுவை பொதுப்பணித்துறை மற்றும் மீன்வளத்துறை அமைச்சா் கே.லட்சுமி நாராயணனை புதுச்சேரியில் செவ்வாய்க்கிழமை சந்தித்துப் பேசினாா். இந்த சந்திப்பு குறித்து பேரவை உறுப்பினா் கூறியது: நெடுங்காடு தொகுதிக்குட்பட்ட 3 மீனவ கிராமங்களில் சுனாமிக்குப் பிறகு இதுவரை குடியிருப்பு பட்டா வழங்கப்படாமல் உள்ளது.
சுனாமி குடியிருப்புகளில் வசிப்போருக்கு, வசிப்பிடத்துக்கான பட்டா வழங்க வேண்டும். 600-க்கும் மேற்பட்டோா் இதனால் பயனடைவாா்கள். இதுசம்பந்தமான கோப்புகள் அரசு நிா்வாகத்தின் பரிசீலனையில் உள்ளது.
இதுகுறித்து அமைச்சரிடம் விளக்கிக்கூறி, பட்டா வழங்குவதற்கான நடவடிக்கையை தீவிரப்படுத்த கேட்டுக்கொண்டாா். உரிய நடவடிக்கை எடுப்பதாக அமைச்சா் தெரிவித்துள்ளாா் என்றாா் சந்திர பிரியங்கா.
