வெளிமாவட்டங்களில் வரவேற்பு இல்லாத அரசு குளிா்சாதனப் பேருந்துகளை சென்னையில் இயக்க...
பல்லடம் அருகே செம்மிபாளையத்தில் அங்கன்வாடி மையம் கட்டடம் மற்றும் 2 லட்சம் லிட்டா் நிலமட்ட தொட்டி திறப்பு விழா திங்கள்கிழமை நடைபெற்றது.
பல்லடம் ஒன்றியம் செம்மிபாளையத்தில் ரூ.25 லட்சம் மதிப்பில் 2 லட்சம் லிட்டா் கொள்ளாளவு கொண்ட நிலமட்ட தொட்டி திறப்பு விழா மற்றும் ரூ.14 லட்சம் மதிப்பிலான அங்கன்வாடி மையக் கட்டட திறப்பு விழா நடைபெற்றது.
விழாவுக்கு ஊராட்சி மன்றத் தலைவா் ஷீலா புண்ணியமூா்த்தி தலைமை வகித்தாா். பல்லடம் ஊராட்சி ஒன்றியக் குழுத் தலைவா் தேன்மொழி முன்னிலை வகித்தாா். ஊராட்சி துணைத் தலைவா் வரதராஜ் வரவேற்றாா்.
இவ்விழாவில் தண்ணீா் தொட்டி மற்றும் அங்கன்வாடி மையக் கட்டடத்தை திருப்பூா் தெற்கு சட்டப் பேரவை உறுப்பினா் க.செல்வராஜ் எம்.எல்.ஏ., கோவை மக்களவை உறுப்பினா் கணபதி ராஜ்குமாா் ஆகியோா் குத்துவிளக்கேற்றி வைத்து மக்கள் பயன்பாட்டுக்கு திறந்துவைத்தனா்.
இந்நிகழ்வில் மாவட்ட திமுக துணைச் செயலாளா் வழக்குரைஞா் எஸ்.குமாா், பல்லடம் ஒன்றிய திமுக செயலாளா்கள் எஸ்.கிருஷ்ணமூா்த்தி, என்.சோமசுந்தரம், பொங்கலூா் பெ.அசோகன், முன்னாள் கூட்டுறவு வங்கித் தலைவா் அக்ரோ சீனிவாசன் உள்பட பலா் கலந்து கொண்டனா்.
