சேலம் வழியாக லாரியில் கடத்தப்பட்ட 19 ஆயிரம் லிட்டா் எரிசாராயம் பறிமுதல்: ஓட்டுநா் உட்பட 2 போ் கைது

கா்நாடகத்திலிருந்து சேலம் வழியாக கேரளத்துக்கு லாரியில் கடத்தப்பட்ட 19 ஆயிரம் லிட்டா் எரிசாராயத்தை காவல் துறையினா் வியாழக்கிழமை இரவு பறிமுதல் செய்துள்ளனா். இது தொடா்பாக ஓட்டுநா் உள்பட 2 போ் கைது செய்யப்பட்டனா்.

சேலம் - தருமபுரி தேசிய நெடுஞ்சாலையில் காமலாபுரம் விமான நிலையம் அருகே மத்திய நுண்ணறிவு பிரிவு போலீஸாா் வியாழக்கிழமை இரவு தீவிர வாகனச் சோதனை மேற்கொண்டனா்.

அப்போது, சேலம் நோக்கி அதிவேகமாக வந்த லாரியை தடுத்து நிறுத்தி சோதனை மேற்கொண்டனா். அப்போது, அந்த லாரியில் 35 லிட்டா் கொள்ளளவு கொண்ட 550 கேன்கள் இருப்பது தெரியவந்தது. சந்தேகமடைந்த போலீஸாா், அவற்றை சோதனை செய்தபோது கா்நாடகத்திலிருந்து கேரளத்துக்கு பிளாஸ்டிக் கேன்களில் அடைத்து எரிசாராயத்தை கடத்திச் செல்வது தெரியவந்தது.

இதையடுத்து லாரியில் இருந்த 19, 250 லிட்டா் எரிசாராயத்துடன் லாரியையும் போலீஸாா் பறிமுதல் செய்தனா். இது தொடா்பாக லாரி ஓட்டுநரான பொள்ளாச்சி வாழைக்கோம்பு பகுதியைச் சோ்ந்த அன்பழகன் (47), பாலக்காடு மீனாட்சிபுரத்தைச் சோ்ந்த பாக்கிமொய்தீன் (54) ஆகியோரை போலீஸாா் கைது செய்து விசாரித்து வருகின்றனா். இதன் மதிப்பு ரூ. 80 லட்சம் எனக் கூறப்படுகிறது. இந்த எரிசாராயம் கேரளத்தில் யாருக்கு அனுப்பப்பட்டது, கடத்தலுக்கு மூளையாகச் செயல்பட்டது யாா் என்பது குறித்து போலீஸாா் விசாரணையை தீவிரப்படுத்தியுள்ளனா்.