ஜேஇஇ தோ்வா்கள் சென்னை ஐஐடி வளாகத்தை பாா்வையிட ஏற்பாடு: இயக்குநா் வி.காமகோடி தகவல்

ஜேஇஇ தோ்வா்கள் சென்னை ஐஐடி வளாகத்தை நேரடியாக பாா்வையிட்டு அங்குள்ள வசதிகள் குறித்து அறிந்து கொள்ளலாம் என அதன் இயக்குநா் வி.காமகோடி தெரிவித்தாா்.

இது குறித்து அவா் செய்தியாளா்களிடம் வெள்ளிக்கிழமை கூறியதாவது:

ஜேஇஇ தோ்வெழுதிய மாணவா்கள் மற்றும் பெற்றோருக்கு ஐஐடி மாணவா் வாழ்க்கை, கல்விச்சூழல், அங்குள்ள வாய்ப்புகள் குறித்து விழிப்புணா்வு ஏற்படுத்தும் வகையில் 2 நாள் செயல்விளக்க முகாமுக்கு சென்னை ஐஐடி ஏற்பாடு செய்துள்ளது. சென்னை ஐஐடியில் ஜூன் 7, 8 ஆகிய தேதிகளில் பிற்பகல் 2 மணி முதல் இரவு 8 மணி வரையிலும் செயல்விளக்க நாள் முகாம் நடைபெறும். தில்லி, மும்பை, பெங்களூரு, ஜெய்பூா், விஜயவாடா, ஹைதராபாத் ஆகிய நகரங்களில் நேரடி நிகழ்வுகள் நடைபெறும்.

இதில், ஆா்வம் உள்ளவா்கள் இணையதளத்தில் பதிவு செய்துகொள்ள வேண்டும். நேரடி செயல்விளக்க நிகழ்வுகளின் மூலம், புதிய படிப்புகளின் அறிமுகம் போன்ற மாற்றங்கள் குறித்தும் மாணவா்கள் தெளிவுபடுத்திக் கொள்ளலாம்.

கடந்த ஆண்டு அறிமுகப்படுத்தப்பட்ட செயற்கை நுண்ணறிவு மற்றும் தரவு பகுப்பாய்வு பாடங்களைத் தவிர சென்னை ஐஐடி கணக்கீட்டு பொறியியல் மற்றும் இயக்கவியல், கருவிமயமாக்கல் மற்றும் உயிரி மருத்துவ பொறியியல் என்ற 2 புதிய பி.டெக். படிப்புகளை அறிமுகப்படுத்தியுள்ளது.

சென்னை ஐஐடி அல்லது மற்ற 6 இடங்களுக்குச் செல்ல முடியாத மாணவா்கள் ஜூன் 3-ஆம் தேதி திட்டமிடப்பட்டுள்ள இணையவழி அமா்வில் பங்கேற்க முடியும்.

ஆசிரியா்கள், முன்னாள் மாணவா்கள், இந்த கல்வி நிறுவன வளாகத்தின் கல்வி மற்றும் கல்வி சாராத அம்சங்கள் தொடா்பான பல்வேறு கேள்விகளுக்கு பதில் கூறுவா். மாணவா்களுக்கு பாடங்களில் ஆா்வம் ஏற்பட ஆசிரியா்கள்தான் காரணம். அத்தகைய ஆசிரியா்களை அங்கீகரிக்க வேண்டும் என்பதற்காக இந்த ஆண்டு பள்ளி ஆசிரியா்களுக்கு சென்னை ஐஐடி சாா்பில் விருதுகள் வழங்கப்படவுள்ளன என்றாா் அவா்.