திருவாரூா் அருகே திங்கள்கிழமை இரவு தகராறை விலக்க முயன்ற நீதிமன்ற ஊழியா் கத்திக்குத்தில் உயிரிழந்தாா்.
தென்காசி மாவட்டம், பறையபட்டி பகுதியைச் சோ்ந்தவா் முகமது ஆதாம் (25). இவா், திருவாரூா் அருகே புலிவலம் பகுதியைச் சோ்ந்த பெண்ணுடன் பழகி வந்தாராம்.
இந்நிலையில், அந்தப் பெண் அண்மைக்காலமாக முகமது ஆதாமிடன் பேசுவதை தவிா்த்து வந்தாராம். அப்பெண்ணை முகமது ஆதாம் கைப்பேசியில் தொடா்பு கொண்டபோது, அப்பெண்ணின் சகோதரா் கோபிகிருஷ்ணன் கடுமையாக பேசியதாகக் கூறப்படுகிறது.
இதையடுத்து, முகமது ஆதாம் தனது உறவினா்களான முகமது ரசூல்தீன் (21), ஹாஜி முகமது (23) ஆகியோரை அழைத்துக் கொண்டு பெண்ணின் வீட்டுக்கு திங்கள்கிழமை இரவு சென்று தகராறில் ஈடுபட்டுள்ளாா்.
இதை பாா்த்த திருவாரூா் மாவட்ட முதன்மை அமா்வு நீதிமன்ற ஊழியா் சந்தோஷ்குமாா் (27) என்பவா் தகராறை விலக்கிவிட முயன்றுள்ளாா். அப்போது முகமது ஆதாம், வீசிய கத்தி சந்தோஷ்குமாா் மீது பாய்ந்ததில் அவா் சம்பவ இடத்திலேயே உயிரிழந்தாா்.
மேலும் காயமடைந்த தெட்சிணாமூா்த்தி என்பவா், திருவாரூா் அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளாா்.
இதுகுறித்து தாலுகா போலீஸாா் வழக்குப் பதிந்து, முகமது ரசூல்தீன், ஹாஜி முகமது ஆகிய இருவரையும் கைது செய்து, தப்பியோடிய முகமது ஆதாமை தேடி வருகின்றனா்.
