தங்கும் விடுதி படியில் இருந்து தவறி விழுந்தவா் உயிரிழப்பு

கோவையில் தங்கும் விடுதி படியில் இருந்து தவறி விழுந்த தனியாா் நிறுவன ஊழியா் உயிரிழந்தாா்.

கா்நாடக மாநிலம், பெங்களூரைச் சோ்ந்தவா் ராகுல் உபாத்யாய் (36). இவா் அங்குள்ள தனியாா் நிறுவனத்தில் பணியாற்றி வந்தாா்.

இந்நிலையில், வேலை விஷயமாக கோவைக்கு அண்மையில் வந்த ராகுல் உபாத்யாய், ரயில் நிலையம் அருகேயுள்ள தனியாா் தங்கும் விடுதியில் தங்கியிருந்தாா்.

சனிக்கிழமை இரவு இவா் சாப்பிடுவதற்காக தங்கும் விடுதி படிக்கட்டுகளில் இருந்து இறங்கிக் கொண்டிருந்தபோது தவறி விழுந்துள்ளாா்.

தலையில் படுகாயமடைந்த அவா் கோவை அரசு மருத்துவமனையில் அனுமதிக்கப்பட்ட நிலையில், சனிக்கிழமை உயிரிழந்தாா்.

இச்சம்பவம் குறித்து ரேஸ்கோா்ஸ் போலீஸாா் வழக்குப் பதிவு செய்து விசாரணை நடத்தி வருகின்றனா்.