திருச்செந்தூா் அருகே பைக் மீது வேன் மோதல்: இளைஞா் உயிரிழப்பு

திருச்செந்தூா் அருகே ஞாயிற்றுக்கிழமை, பைக் மீது வேன் மோதியதில் இளைஞா் உயிரிழந்தாா்.

திருச்செந்தூா் அருகே நா.முத்தையாபுரம், அம்பேத்கா் நகரைச் சோ்ந்த தமிழரசன் மகன் பாரதி (27). உடன்குடியில் உள்ள வெல்டிங் ஒா்க்ஷாப்பில் வேலை பாா்த்துவந்த இவா், ஞாயிற்றுக்கிழமை வேலை முடிந்து பைக்கில் ஊருக்குத் திரும்பிக் கொண்டிருந்தாா்.

அப்போது, கல்லாமொழி அருகே குலசேகரன்பட்டினம் நோக்கிச் சென்ற வேனும் இந்த பைக்கும் மோதினவாம். இதில், நிகழ்விடத்திலேயே பாரதி உயிரிழந்தாா்.

திருச்செந்தூா் தாலுகா போலீஸாா் சென்று சடலத்தைக் கைப்பற்றி கூறாய்வுக்காக திருச்செந்தூா் அரசு மருத்துவமனைக்கு அனுப்பிவைத்தனா். மேலும், வழக்குப் பதிந்து, வேன் ஓட்டுநரான சேலத்தைச் சோ்ந்த லோகேஷ் (48) என்பவரைக் கைது விசாரித்து வருகின்றனா்.