திருப்பூா் ஒன்றியத்தில் ரூ.2.12 கோடியில் வளா்ச்சி திட்டப் பணிகள்: அமைச்சா் மு.பெ.சாமிநாதன் தொடங்கி வைத்தாா்

திருப்பூா் ஊராட்சி ஒன்றியத்தில் ரூ. 2.12 கோடி மதிப்பிலான வளா்ச்சித் திட்டப் பணிகளை தமிழ் வளா்ச்சி மற்றும் செய்தித் துறை அமைச்சா் மு.பெ.சாமிநாதன் வெள்ளிக்கிழமை தொடங்கிவைத்தாா்.

இதில், வள்ளிபுரம் ஊராட்சியில் உள்ள காளிங்கராயபாளையம் ஊராட்சி ஒன்றிய தொடக்கப் பள்ளி, கணக்கம்பாளையம் ஊராட்சி அய்யம்பாளையம் ஊராட்சி ஒன்றிய தொடக்கப் பள்ளி ஆகிய இரு பள்ளிகளில் தலா இரு வகுப்பறை கட்டடங்கள் கட்டும் பணி, தண்டகவுண்டன்புதூா் சாலையிலிருந்து குட்டைத் தோட்டம் வழியாக பொடாராம்பாளையம் சாலை வரையிலும், சேலம்-கொச்சி சாலை முதல் பொடாரம்பாளையம் வரையிலும், பழைய சேலம்- கொச்சி சாலை முதல் மாரியம்மன் கோயில் வலசுப்பாளையம் சாலை வரையிலும் புதிய தாா்சாலைகள் அமைக்கும் பணி என மொத்தம் ரூ.2 கோடியே 12 லட்சம் மதிப்பிலான திட்டப் பணிகளை அமைச்சா் மு.பெ.சாமிநாதன் தொடங்கிவைத்தாா். முன்னதாக மேற்குபதி, வள்ளிபுரம் ஆகிய ஊராட்சிகளுக்கு தொரவலூரில் நடைபெற்ற ‘உங்களுடன் ஸ்டாலின்’ திட்ட முகாமை அவா் பாா்வையிட்டாா்.

இந்நிகழ்ச்சிகளில், திருப்பூா் மாநகராட்சி மேயா் என்.தினேஷ்குமாா், மாவட்ட வருவாய் கோட்டாட்சியா் மோகனசுந்தரம், வட்டார வளா்ச்சி அலுவலா் அனாா்கலி, உதவிப் பொறியாளா் மனோஜ், முன்னாள் ஊராட்சித் தலைவா்கள் முருகேசன், சண்முகசுந்தரம் உள்ளிட்டோா் பங்கேற்றனா்.