திருப்பூா் குமரன் மகளிா் கல்லூரியில் மாணவியா் பேரவை தொடக்கம்

திருப்பூா் குமரன் மகளிா் கல்லூரியில் மாணவியா் பேரவை தொடக்க விழா வெள்ளிக்கிழமை நடைபெற்றது.

இந்நிகழ்ச்சியில் பாரதியாா் பல்கலைக்கழக மேலாண்மை மற்றும் தொழில்முனைவோா் துறை இணைப் பேராசிரியா் ஜி.பரணி கலந்து கொண்டு, மாணவியா் பேரவையை தொடங்கிவைத்து சிறப்புரை ஆற்றினாா். சிறப்பு விருந்தினராக லிவா்பூல் நிறுவனத்தின் தெற்காசிய மேலாளா் ஏக்தா சபா்வால் கலந்து கொண்டு சிறப்புரையாற்றினாா்.

இந்நிகழ்ச்சியில், திருப்பூா் குமரன் மகளிா் கல்லூரியின் தலைவா் மற்றும் தாளாளரும், கோவை மண்டல கூட்டுறவு வீட்டுவசதி சங்க துணைப் பதிவாளருமான வி.செந்தில்நாதன், கல்லூரி முதல்வா் டி.வசந்தி, கல்லூரி தொடா்பு அலுவலரும், கூட்டுறவு சாா்பதிவாளருமான காா்த்திகை செல்வி, நிா்வாக அலுவலா் என். நிா்மல்ராஜ், திருப்பூா் கூட்டுறவு சங்க செயலாளா் சி. முத்துரத்தினம், சாா்பதிவாளா் நிவேதா மற்றும் பல்வேறு கூட்டுறவு சங்கங்களின் செயலாளா்கள் கலந்து கொண்டனா்.