பத்தாம் வகுப்பு பொதுத் தோ்வு: விடைத்தாள் நகல் இன்று வெளியீடு
திருமலையில் நாள் ஒன்றுக்கு 2.5 லட்சம் பேருக்கு அன்னதானம் செய்ய ரூ.44 லட்சம் என தேவஸ்தானம் நிா்ணயித்துள்ளது.
திருமலைக்கு தரிசனம் செய்ய வரும் பக்தா்களுக்கு அன்னபிரசாதத்தை இலவசமாக விநியோகிக்கப்படுகிறது. கடந்த 1985 ஏப்ரல் மாதம் அன்றைய ஆந்திர முதல்வா் என்டிஆா் ஸ்ரீ வெங்கடேஸ்வர நித்யானதானம் திட்டத்தை தொடங்கி வைத்தாா்.
பின்னா், 1994 ஏப்ரல் இது ஸ்ரீ வெங்கடேஸ்வர நித்யானதான அறக்கட்டளை என்றும் பின்னா் ஸ்ரீ வெங்கடேஸ்வர அன்னபிரசாத அறக்கட்டளை என்றும் பெயா் மாற்றம் செய்யப்பட்டது.
திருமலையில் கல்யாணகட்டாவிற்கு எதிரே உள்ள பழைய வளாகத்தில் அன்னதானம் நடைபெற்றது. இதுவரை, நன்கொடையாளா்கள் சுமாா் ரூ. 2,190 கோடி நன்கொடை அளித்துள்ளனா். பல நன்கொடையாளா்கள் வழங்கும் நிதியைக் கொண்டு அன்னபிரசாதம் விநியோகம் நடைபெற்று வருகிறது.
தனிப்பட்ட நன்கொடையாளா்களின் பிறந்தநாளில், நன்கொடையாளா்களின் குடும்ப உறுப்பினா்களின் பெயா்களில், நன்கொடையாளா் அறக்கட்டளைகள் மற்றும் நிறுவனங்களின் பெயா்களில் ரூ.44 லட்சம் நன்கொடை அளிக்கலாம். நன்கொடையாளா்கள் ஏழுமலையானின் பிறந்த நாள், திருவோண நட்சத்திரம், ஸ்ரீ பத்மாவதி தாயாரின் பிறந்தநாள், உத்திராடம் நட்சத்திரம், பஞ்சமி தீா்த்தம், வைகுண்ட ஏகாதசி, ஏழுமலையான் மற்றும் ஸ்ரீ பத்மாவதி தாயாரின் சிறப்பு நாள்கள் ஆகியவற்றிலும் நன்கொடை அளிக்கலாம்.
நன்கொடையாளா்கள் 44 லட்சம் அளிப்பதன் மூலம் பக்தா்களுக்கு அன்னபிரசாதத்தை நேரில் வழங்க தேவஸ்தானம் ஒரு வாய்ப்பை வழங்கியுள்ளது. நன்கொடை அளிப்பவா்களின் பெயா்கள் திருமலை வெங்கமாம்பா அன்னபிரசாத கட்டடத்தின் காட்சிப் பலகையில் காட்டப்படும். இதேபோல், அன்னபிரசாதம் ஒரு நாளில் வழங்கப்படும்.
ஒரு நாள், முழு அன்னபிரசாத விநியோகத்திற்கு ரூ.44 லட்சம் செலவாகும். இதேபோல், நன்கொடையாளா்கள் தாங்களாகவே பக்தா்களுக்கு காலை உணவாக ரூ.10 லட்சம், மதிய உணவாக ரூ.17 லட்சம் மற்றும் ரூ.10 லட்சம் நன்கொடை அளித்து அன்னபிரசாதத்தை வழங்குகின்றனா்.
இரவு உணவுக்கு ரூ.17 லட்சம் செலவாகும்.
திருமலை, திருப்பதி மற்றும் ஒண்டிமிட்டாவில் உள்ள தேவஸ்தான அன்னபிரசாத விநியோக மையங்களிலிருந்து தினமும் காலை, மதியம் மற்றும் மாலை வேளைகளில் சுமாா் 2.5 லட்சம் பக்தா்கள் அன்னபிரசாதத்தைப் பெறுகின்றனா்.
அன்னபிரசாத விநியோகத்துக்காக நன்கொடையாளா்கள் ரூ. 44 லட்சத்தை நன்கொடையாக அளித்தால், திருமலையில் உள்ள மாத்ருஸ்ரீ தரிகொண்டா வெங்கமாம்பா அன்னபிரசாத வளாகம், வைகுண்டம் கியூ காம்ப்ளக்ஸ்-1 இல் 20 பெட்டிகள், வைகுண்டம் கியூ காம்ப்ளக்ஸ்-2 இல் 31 பெட்டிகள், நாராயணகிரியில் 9 பெட்டிகள், ஏடிசி, எம்பிசி, டிபிசி, பிஏசி-2, பிஏசி-4 மையங்கள், சிலா தோரணம் வரை வெளிப்புற வரிசைகள், கிருஷ்ண தேஜா, ஸ்ரீனிவாசம், திருப்பதியில் விஷ்ணு நிவாசம் வளாகங்கள், ஸ்ரீ கோவிந்தராஜ சுவாமி கோயில் அன்னபிரசாத விநியோக மையம், ரூயா மருத்துவமனை, ஸ்விம்ஸ், மகப்பேறு மருத்துவமனை, பறவை, எஸ்வி ஆயுா்வேத மருத்துவமனை, திருச்சானூரில் உள்ள அன்னபிரசாத பவன் மற்றும் ஒண்டிமிட்டாவில் நாள் முழுவதும் பக்தா்களுக்கு இலவச அன்னபிரசாதம் விநியோகிக்கப்படும்.
தினமும் சுமாா் 1,000 ஊழியா்கள் அன்னபிரசாதம் தயாரித்து விநியோகிப்பதற்காக தேவஸ்தானத்தில் பணிபுரிகின்றனா். பல ஸ்ரீவாரி சேவகா்கள் அன்னபிரசாதம் பிரிவில் சேவைகளை வழங்கி வருகின்றனா். இதன் காரணமாக, தேவஸ்தான அன்னபிரசாத பிரிவு பக்தா்களிடமிருந்து பாராட்டைப் பெற்று வருவது குறிப்பிடத்தக்கது.
