தில்லியில் தமிழக அளுநருடன் டிடிஇஏ நிா்வாகிகள், பள்ளி முதல்வா்கள் சந்திப்பு

தில்லி வந்துள்ள தமிழக ஆளுநா் ஆா்.என்.ரவியை தில்லித் தமிழ்க் கல்விக் கழகத்தின் (டிடிஇஏ) நிா்வாகிகள் மற்றும் டிடிஇஏ பள்ளி முதல்வா்கள் வெள்ளிக்கிழமை சந்தித்தனா்.

இது தொடா்பாக டிடிஇஏ சாா்பில் வெளியிடப்பட்ட செய்திக்குறிப்பில் கூறப்பட்டுள்ளதாவது: தமிழக ஆளுநா் ஆா்.என். ரவி டிடிஇஏ லோதிவளாகம் பள்ளியில் நிறுவப்பட்டிருந்த திருவள்ளுவா் சிலையை 2022 ஆகஸ்டில் திறந்து வைத்தாா். அப்போது பள்ளியைப் பாா்வையிட்ட அவா் நிா்வாகத்தினரைப் பெரிதும் பாராட்டினாா்.

தற்போது தில்லி வருகை தந்துள்ள அவரது அறிவுரையின்படி டிடிஇஏ செயலா் ராஜூ, தலைவா் ராமன், கல்வி இயக்குநா் சித்ரா ராதாகிருஷ்ணன், பள்ளி முதல்வா்கள் ஜெயஸ்ரீ பிரசாத் (லோதி வளாகம்) , சுமதி (ராமகிருஷ்ணாபுரம்), காா்த்திகா (ஜனக்புரி), பிரேமா (மந்திா்மாா்க்), மோதிபாக் பள்ளி துணை முதல்வா் செல்வி, இலக்குமிபாய் நகா்ப் பள்ளியின் துணை முதல்வா் கவிதா, பூசா சாலை பள்ளி முதல்வா் பொறுப்பு வகிக்கும் சீமா ஜூன் ஆகியோா் அடங்கிய குழு ஆளுநரை வெள்ளிக்கிழமையன்று தில்லியிலுள்ள தமிழ்நாடு இல்லத்தில் சந்தித்தது.

அப்போது, டிடிஇஏ பள்ளிகளின் முன்னாள் மாணவா்களின் செயல்பாடு குறித்து ஆளுநா் கேட்டறிந்தாா். நூறாண்டுக்கும் மேலான பழைமை கொண்ட டிடிஇஏ பள்ளிகளில் கற்பித்தல் மொழி ஆங்கிலமாக இருந்தாலும் தமிழுக்கு அதிக முக்கியத்துவம் வழங்கி வருகிறோம் என்றும் அவரிடம் குழுவினா் தெரிவித்தனா்

12-ஆம் வகுப்பு வரை மாணவா்கள் தமிழை விருப்பப் பாடமாக எடுத்துப் படித்து வருகின்றனா் என்றும் தமிழ் கலாசாரத்தை மாணவா்கள் மறக்காமல் இருக்க வேண்டும் என்பதற்காக பல நிகழ்ச்சிகளை நடத்தி வருகிறோம் என்றும் வட இந்திய மாணவா்களுக்கும் எட்டாம் வகுப்பு வரை கட்டாயப் பாடமாகத் தமிழ் உள்ளது என்றும் அவா்கல் கூறினா்.

மேனிலைப்பிரிவில் மாணவா்களின் அறிவியல் ஆா்வத்தை வளா்த்து அறிவியல் பிரிவில் சோ்க்கை பெறும் ஆா்வத்தைத் தூண்டுவதற்காக நான்கு பள்ளிகளில் அகஸ்தியா அறிவியல் மையம் சாா்ந்து ஆய்வுக் கூடம் அமைக்கப்பட்டுள்ளது. அங்கு மாணவா்களுக்கு சிறப்புப் பயிற்சிகள் வழங்குகிறோம். மேலும் பூசா சாலை பள்ளியில் அடல் டிங்கரிங் ஆய்வுக் கூடம் சிறப்பாகச் செயல்பட்டு வருகிறது என்று ஆளுநரிடம் குழுவினா் தெரிவித்தனா்.

டிடிஇஏ செயலா் ராஜூ ஆளுநரிடம் கூறுகையில், ‘அரசுப் பள்ளி ஆசிரியா்கள் பயிற்சிக்காக அரசு சாா்பில் வெளிநாடு சென்று வருகின்றனா். அரசு உதவி பெறும் பள்ளிகளில் அந்த வாய்ப்பு இல்லை. அதற்கு ஏற்பாடு செய்யும்படியும் கேட்டுக் கொண்டாா். மத்திய கல்வி வாரியம் நடத்தும் பயிற்சிப் பட்டறைகள் வெளி மாநிலங்களில் நடைபெறுகின்றன. அதற்கு அதிக பணம் செலவு ஆகும் என்பதால் டிடிஇஏ பள்ளி ஆசிரியா்களால் செல்ல இயலவில்லை. எனவே, அதற்கும் ஏற்பாடு செய்யவேண்டும் கேட்டுக் கொண்டாா். அதற்கு ஆளுநா் இந்தியாவில் நடக்கும் பயிற்சிகளுக்கு ஆசிரியா்கள் செல்ல அரசு சாா்பாக உதவி செய்ய ஏற்பாடு செய்யலாம் என்று கூறினாா்.

அதற்கு நன்றி தெரிவித்த செயலா் ராஜூ, ‘டிடிஇஏ சாா்பாக தமிழக அரசு உதவியுடன் மயூா்விஹாரில் எட்டாவது பள்ளி கட்டப்பட்டு செயல்படுகிறது. ஆனால், இப்போது டிடிஇஏ பள்ளி மாணவா்களுக்குப் பள்ளியை விட கல்லூரி மிகவும் தேவையாக உள்ளது. எனவே, அவா்கள் பயன் பெரும் வகையில் அதை கல்லூரியாக மாற்ற உதவ வேண்டும் என்று கேட்டுக் கொண்டாா்.

நாங்கள் திருவள்ளுவா் தினத்தை மிகப் பெரிய விழாவாக எடுக்க விரும்புகிறோம். அதற்கான இட வசதி எங்களிடம் உள்ளது. ஆனால், நிதி வசதி இல்லை. எனவே, அதற்கு நிதியுதவி பெற்றுத் தர வேண்டும் என்றும் விழாவிற்கு தாங்கள் வருகை தர வேண்டும் என்றும் ஆளுநரிடம் குழுவினா் கேட்டுக் கொண்டனா்.

இந்தச் சந்திப்பின்போது, தமிழக அரசு நடத்தும் கட்டுரைப் போட்டிகளில் டிடிஇஏ பள்ளி மாணவா்களைக் கலந்து கொள்ளச் செய்யும்படி ஆளுநா் அறிவுறுத்தினாா். அப்போது தமிழ் மாணவா்களுக்கும், தமிழா்கள் அல்லாத மாணவா்களுக்கும் பல்வேறு போட்டிகள் நடத்த கண்டிப்பாக ஏற்பாடு செய்வோம் என்று டிடிஇஏ செயலா் ராஜூ உறுதி அளித்தாா். டிடிஇஏ மேல் அக்கறை கொண்டு அழைத்துப் பேசியதற்காக ஆளுநருக்கு டிடிஇஏ செயலா் ராஜூ நன்றி தெரிவித்துக் கொண்டாா்.