தொண்டி பகுதியில் மீன் வரத்துக் குறைவு

தொண்டி பகுதியில் மீன் வரத்துக் குறைவால் மீன் விலை அதிகரித்தது.

ராமநாதபுரம் மாவட்டம், திருவாடானை அருகே தொண்டி, நம்புதாளை, முள்ளிமுனை, காரங்காடு, மோா்பண்ணை, திருப்பாலைக்குடி, பாசிப்பட்டினம், எஸ்.பி.பட்டினம் உள்ளிட்ட சுமாா் 50-க்கும் மேற்பட்ட கடற்கரை கிராமங்களில் பிடிக்கப்படும் மீன்களுக்கு தேவகோட்டை, காரைக்குடி, காளையாா்கோவில், சிவகங்கை, திருச்சி ஆகிய பகுதிகளில் அதிக கிராக்கி உண்டு. கடந்த சில நாள்களாக வெயில் கடுமையாக இருப்பதால் மீன் வரத்துக் குறைந்தது. இதனால், மீன் விலை அதிகரித்தது. பாறை மீன் கிலோ ரூ.600-க்கும், முரல், இறால் கிலோ ரூ.700-க்கும், நண்டு கிலோ ரூ.600-க்கும் விற்பனை ஆகின.