நகை திருட்டு: சிறுவன் உள்பட 3 போ் கைது

சென்னையில் வீட்டின் பூட்டை உடைத்து நகை திருடியதாக சிறுவன் உள்பட 3 பேரை போலீஸாா் கைது செய்தனா்.

சென்னை மதுரவாயல் கிருஷ்ணா நகா் முதல் பிரதான சாலை பகுதியைச் சோ்ந்தவா் கலீல் (65). இவா் கடந்த 5-ஆம் தேதி தனது வீட்டை பூட்டிவிட்டு, மனைவியுடன் வடபழனி பகுதியிலுள்ள மருத்துவமனைக்குச் சென்றுவிட்டு, மீண்டும் வீடு திரும்பினாா். அப்போது, மா்ம நபா்கள் வீட்டின் பின்பக்க கதவை உடைத்து உள்ளே சென்று, பீரோவில் இருந்த 10 பவுன் நகைகளைத் திருடி சென்றது தெரியவந்தது.

இதுகுறித்து கலீல் அளித்த புகாரின்பேரில், மாதவரம் போலீஸாா் வழக்குப் பதிவு செய்து, மீஞ்சூரைச் சோ்ந்த சூா்யா (23), காவனூரைச் சோ்ந்த சக்திவேல் (30) மற்றும் 15 வயது சிறுவன் ஆகிய 3 பேரையும் கைது செய்தனா். மேலும், அவா்களிடமிருந்து 7 பவுன் தங்க நகைகளையும் மீட்டனா்.