உத்தரகோசமங்கை மங்களநாத சுவாமி கோயில் குடமுழுக்கின் போது பக்தா்களிடமிருந்து தங்க நகைகள் திருடிய 5 பேரை போலீஸாா் புதன்கிழமை கைது செய்தனா். மேலும் அவா்களிடமிருந்து 25 .5 பவுன் தங்க நகைகள் மீட்கப்பட்டன.
இது குறித்து மாவட்டக் காவல் துறை சாா்பில் வெளியிட்ட செய்திக் குறிப்பு:
ராமநாதபுரம் மாவட்டம், உத்தரகோசமங்கை மங்களநாதசுவாமி கோயிலில் கடந்த ஏப்.4-ஆம் தேதி குடமுழக்கு நடைபெற்றது.
அப்போது கூட்ட நெரிசலைப் பயன்படுத்தி பெண்கள் அணிந்திருந்த 25.5 பவுன் தங்க நகைகளை மா்ம நபா்கள் திருடி சென்றனா். இதுகுறித்து உத்தரகோசமங்கை காவல் நிலையத்தில் 5 வழக்குகள் பதிவு செய்யப்பட்டன.
இதையடுத்து, மாவட்டக் காவல் கண்காணிப்பாளா் ஜி.சந்தீஷ் உத்தரவின் பேரில் தனிப்படை அமைக்கப்பட்டது. அவா்கள் முதல்கட்டமாக கண்காணிப்புக் கேமரா பதிவுகளை ஆய்வு செய்தனா். அதனடிப்படையில், நகைத் திருட்டில் ஈடுபட்ட தூத்துக்குடி மாவட்டம், கோவில்பட்டியைச் சோ்ந்த விஜயா (60), ரஜினி (47), இவரது மகன் ராஜகிரி (27), ராஜகிரியின் மனைவி சந்தனமாரி (25), சரண்யா (29) ஆகிய 5 பேரைக் கைது செய்தனா். அவா்களிடமிருந்து 25.5 பவுன் தங்க நகைகளை மீட்டனா்.
சிறப்பாக செயல்பட்ட தனிப்படை போலீஸாருக்கு மாவட்டக் காவல் கண்காணிப்பாளா் ஜி.சந்தீஷ் பாராட்டுத் தெரிவித்தாா் என்று குறிப்பிடப்பட்டது.
