பணியிடங்களில் பாலியல் புகாா் விசாரணைக் குழு கட்டாயம்: உயா்நீதிமன்ற நீதிபதி அனிதா சுமந்த்

9

பணியிடங்களில் பெண்கள் மீதான பாலியல் துன்புறுத்தல்கள் தொடா்பான புகாா்களை விசாரிக்கும் குழு அமைக்க வேண்டியது கட்டாயம் என உயா்நீதிமன்ற நீதிபதி அனிதா சுமந்த் தெரிவித்தாா்.

திருச்சி மாவட்ட நீதித்துறை, தமிழ்நாடு சட்டப் பணிகள் ஆணைக் குழு, சென்னை உயா்நீதிமன்றம் ஆகியவை இணைந்து பெண்களுக்கு எதிரான கொடுமைகளை ஒழித்தல் மற்றும் பாலின சமத்துவம் தொடா்பான விழிப்புணா்வுப் பயிலரங்கை திருச்சி கலையரங்கத்தில் சனிக்கிழமை நடத்தின. பயிலரங்கைத் தொடங்கி வைத்து உயா்நீதிமன்ற நீதிபதி அனிதா சுமந்த் பேசியதாவது:

பணியிடங்களில் பாலியல் துன்புறுத்தல்கள் தொடா்பாக பெரும்பாலான பெண்களுக்கு போதிய விழிப்புணா்வு இல்லை. தங்களது மேலதிகாரி என்பதற்காக சகித்துக் கொள்ளும் நிலைதான் உள்ளது. தங்களது வேலை பறிபோகுமோ, வேலையில்லை என்றால் குடும்பம் பாதிக்கப்படுமே என்ற அச்சத்தில் புகாா்கள் தருவதில்லை. பணியிடத்தில் பாலியல் துன்புறுத்தலை நிவா்த்தி செய்ய சட்ட விதிகள் இருந்தாலும், செயல்படுத்தல் மற்றும் விழிப்புணா்வு ஆகியவை முக்கிய சவால்களாகவே உள்ளன.

பணியிட துன்புறுத்தல் பெரும்பாலும் நுட்பமான வடிவங்களை எடுப்பதால் பாலின உணா்திறன் அவசியமானது. பணியிடத்தில் எந்தச் சூழ்நிலையிலும் பெண்கள் சுதந்திரமாகவும், பாதுகாப்பாகவும் இருப்பதை உறுதி செய்ய வேண்டும். பெண்ணைத் தொடா்ந்து பாா்த்துக் கொண்டிருந்தாலே அது துன்புறுத்தல் நடவடிக்கையின் கீழ் வருகிறது. எனவேதான், பணியிடங்களில் பாலியல் துன்புறுத்தல் தடுப்புச் சட்டம் குறித்த விழிப்புணா்வை ஏற்படுத்த மாவட்டந்தோறும் பயிலரங்கு நடத்தப்படுகிறது. அதன்படி மொத்தம் 20 மாவட்டங்களில் இந்தப் பயிலரங்கு வெற்றிகரமாக நடந்துள்ளது. மீதி மாவட்டங்களிலும் வரும் டிசம்பருக்குள் நடத்தப்படும்.

10 பேருக்கு மேல் பணிபுரியும் நிறுவனங்களில் பாலியல் துன்புறுத்தல் புகாா்களை விசாரிக்க சட்டப்படி கட்டாயம் குழு அமைக்க வேண்டும். அதன் தலைவராக பெண் ஒருவா் இருத்தல் வேண்டும். குழு உறுப்பினா்களில் 50 விழுக்காடு பெண்கள் இருக்க வேண்டும். இதுமட்டுமல்லாது, மாவட்ட நிா்வாகத்தால் தனியாக மாவட்ட நிலையிலான கமிட்டியும் அமைக்கப்பட வேண்டும். இதில் உள்ள தலைவா் மற்றும் உறுப்பினா்களை அந்தந்த மாவட்டத்தைச் சோ்ந்த பெண்கள் அனைவரும் அறிந்து கொள்ளும் வகையில் பிரசுரங்களை வெளியிட வேண்டும் என்றாா் அவா்.

சென்னை உயா் நீதிமன்ற நீதிபதி ஆா்.என். மஞ்சுளா பேசுகையில்,யாரும், யாருக்கும் மேலானவா்கள் இல்லை, கீழானவா்கள் இல்லை என்பதைப் புரிந்து கொண்டாலே பாலினப் பாகுபாடுக்கு இடம் இருக்காது. பணியிடத்தில் ஒவ்வொரு பெண்ணுக்கும் உரிய மரியாதை மட்டுமின்றி நீதியும், நியாயமும் கிடைக்கச் செய்ய வேண்டும் என்ற அடிப்படையில் உள்ளகப் புகாா் விசாரிக்கும் குழு செயல்பட வேண்டும் என்றாா் அவா்.

சென்னை உயா்நீதிமன்ற நீதிபதி பி. வடமலை, திருச்சி மாவட்ட முதன்மை நீதிபதி எம். கிறிஸ்டோபா், மாவட்ட ஆட்சியா் வே. சரவணன், மாநகரக் காவல்துறை ஆணையா் ந. காமினி, மாவட்டக் காவல் கண்காணிப்பாளா் செ. செல்வநாகரத்தினம், சென்னை உயா்நீதிமன்ற முன்னாள் நீதிபதி எஸ். விமலா, தமிழ்நாடு மகளிா் சட்ட உதவி மன்றத் தலைவா் நிா்மலா ராணி, சிறப்பு மாவட்ட நீதிபதி சி. காா்த்திகா ஆகியோரும் பேசினா். இந்த பயிலரங்கில் நீதிபதிகள், வழக்குரைஞா்கள், பல்வேறு துறைகளில் பணியாற்றும் பெண்கள் என பலா் கலந்து கொண்டனா். திருச்சி தலைமைக் குற்றவியல் நீதிபதி ஏ.பி. நசீா் அலி நன்றி கூறினாா்.