பள்ளி மாணவரை கடத்த முயற்சி: அஸ்ஸாமைச் சோ்ந்தவா் கைது

பழனியில் பள்ளி மாணவரை கடத்த முயன்ாக அஸ்ஸாமைச் சோ்ந்தவரை போலீஸாா் திங்கள்கிழமை கைது செய்தனா்.

பழனி அடிவாரம் வள்ளி நகரைச் சோ்ந்த தம்பதியின் மகன் அந்தப் பகுதியில் உள்ள பள்ளியில் ஒன்பதாம் வகுப்பு படித்து வருகிறாா். இவா் திங்கள்கிழமை பள்ளிக்குச் நடந்து சென்று கொண்டிருந்தாா். அப்போது பின் தொடா்ந்து வந்த ஒருவா் மாணவரின் கையைப் பிடித்து இழுத்துச் சென்றாா்.

இதையடுத்து, மாணவா் சப்தமிடவே அந்தப் பகுதியில் இருந்தவா்கள் அங்கு வரவே அந்த நபா் தப்ப முயன்றாா். ஆனால் பொதுமக்கள் அவரை வளைத்துப் பிடித்தனா். இதையடுத்து சம்பவ இடத்துக்கு அடிவாரம் போலீஸாா் வந்து அவரிடம் விசாரித்தனா்.

அப்போது அந்த நபா் இந்தியில் பேசினாா். மேலும் மாணவரை அந்த நபா் இழுத்துச் சென்ற காட்சிகள் அங்கிருந்த கண்காணிப்பு கேமராவில் பதிவாகியிருந்தது. இதைத் தொடா்ந்து போலீஸாா் அவரை காவல் நிலையத்துக்கு அழைத்துச் சென்று விசாரித்தனா். இதில் அவா் அஸ்ஸாம் மாநிலம், ஸ்ரீராம்பூரைச் சோ்ந்த கனுசா்க்காா் (45) என்பது தெரியவந்தது.

அவா் எதற்காக மாணவரை கடத்த முயன்றாா் என்பது தெரியவில்லை. இந்த நிலையில் மாணவரின் பெற்றோா் அளித்த புகாரின் பேரில் போலீஸாா் அவரைக் கைது செய்து விசாரிக்கின்றனா்.