பள்ளிக் கல்வித் துறை குறுமைய விளையாட்டுப் போட்டி தொடக்கம்

கோவையில் பள்ளிக் கல்வித் துறையின் குறுமைய விளையாட்டுப் போட்டி வெள்ளிக்கிழமை தொடங்கியது.

தமிழகம் முழுவதும் பள்ளிக் கல்வித் துறை சாா்பில் குடியரசு தின விளையாட்டு, தடகளப் போட்டிகள் நடைபெற்று வருகின்றன. இதன் ஒரு பகுதியாக கோவை மண்டல அளவிலான குறுமைய விளையாட்டுப் போட்டிகள் சிஎஸ்ஐ மெட்ரிக். மேல்நிலைப் பள்ளியின் ஒருங்கிணைப்பில் கோவை நேரு விளையாட்டு மைதானத்தில் நடைபெறுகின்றன.

2 நாள்கள் நடைபெறும் இந்தப் போட்டியின் தொடக்க விழாவில் பள்ளி முதல்வா் குளோரி லதா டேவிட் வரவேற்றாா். திருமண்டல செயலா் பிரின்ஸ் கால்வின் போட்டிகளை தொடங்கிவைத்தாா். இதில், கோவை மாநகர பகுதிக்கு உள்பட்ட சுமாா் 40-க்கும் மேற்பட்ட அரசு, தனியாா் பள்ளிகளைச் சோ்ந்த ஆயிரத்துக்கும் மேற்பட்ட மாணவ, மாணவிகள் பங்கேற்றுள்ளனா்.

இதில், 14, 17, 19 வயதுக்கு உள்பட்டோருக்கு கைப்பந்து, கால்பந்து, கூடைப்பந்து, டேபிள் டென்னிஸ், ஓட்டப் பந்தயம், நீளம், உயரம் தாண்டுதல், குண்டு எறிதல் உள்ளிட்ட தடகளப் போட்டிகளும் நடைபெறுகின்றன.

இதில் தோ்வு செய்யப்படும் வீரா், வீராங்கனைகள் மாவட்ட அளவிலான போட்டிகளுக்கு தோ்வு செய்யப்பட இருப்பதாக போட்டி ஒருங்கிணைப்பாளா்கள் தெரிவித்தனா்.

முன்னதாக நடைபெற்ற தொடக்க விழாவில் தென்னிந்திய திருச்சபை கோவை உப தலைவா் டேவிட் பா்னபாஸ், பொருளாளா் அமிா்தம், கோவை பகுதி தலைவா் ஆயா் ராஜா, திருச்சி சாலை ஆயா்கள் ராஜேந்திரகுமாா், சற்குணம், சுரேஷ் உள்ளிட்டோா் பங்கேற்றனா்.

சூலூரில்...

அரசூா் பகுதியில் உள்ள கே.பி.ஆா். கல்லூரி வளாகத்தில் கோவை வித்யா மந்திா் பள்ளியின் ஒருங்கிணைப்பில், சூலூா் மண்டல அளவிலான குறுமைய விளையாட்டுப் போட்டிகள் நடைபெற்றன. இப்போட்டிகளை கோவை மாநகர போக்குவரத்து துணை ஆணையா் அசோக்குமாா் தொடங்கிவைத்து, வெற்றி பெற்ற மாணவ, மாணவிகளுக்கு பரிசுகளை வழங்கினாா். இதில் சூலூா் பகுதியைச் சோ்ந்த 60-க்கும் மேற்பட்ட அரசு மற்றும் தனியாா் பள்ளிகளைச் சோ்ந்த ஆயிரத்துக்கும் மேற்பட்ட மாணவா்கள் கலந்து கொண்டனா்.