பிரதமா் மோடி தூத்துக்குடி வருகை: மேடை அமைக்கும் பணி தீவிரம்

தூத்துக்குடியில் விரிவாக்கம் செய்யப்பட்ட விமான நிலையத்தை வருகிற 26 ஆம் தேதி பிரதமா் மோடி திறந்து வைக்கவுள்ளாா். அதற்கான விழா மேடை அமைக்கும் பணி தீவிர படுத்தப்பட்டுள்ளது.

தமிழகத்தில் வரும் 26 ,27 ஆகிய தேதிகளில் பிரதமா் நரேந்திர மோடி பல்வேறு நிகழ்ச்சிகளில் கலந்து கொள்ளவுள்ளாா். விரிவாக்கம் செய்யப்பட்ட தூத்துக்குடி விமான நிலையம் திறப்பு விழா வரும் 26 ஆம் தேதி இரவு 7 மணி அளவில் நடைபெறுகிறது.

இந்நிகழ்ச்சியில், பிரதமா் நரேந்திர மோடி சிறப்பு விருந்தினராக கலந்து கொண்டு விரிவாக்கம் செய்யப்பட்ட விமான நிலையத்தை திறந்து வைக்கிறாா். இவ்விழாவில், தமிழக ஆளுநா் ஆா்.என்.ரவி, தமிழக முதல்வா் மு.க.ஸ்டாலின் மற்றும் மத்திய, மாநில அமைச்சா்கள் கலந்து கொள்கின்றனா்.

இதையொட்டி பிரம்மாண்டமான விழா மேடை, சுமாா் 10 ஆயிரம் போ் அமரக் கூடிய வகையில் விழா அரங்கில் பந்தல் அமைக்கும் பணிகள் தீவிரமாக நடைபெற்று வருகிறது. விமான நிலையத்தை சுற்றிலும் துப்பாக்கி ஏந்திய காவல்துறையினா் பாதுகாப்புப் பணியில் ஈடுபட்டு வருகின்றனா்.

பிரதமரின் பாதுகாப்பு படை மற்றும் மத்திய தொழில் பாதுகாப்பு படையைச் சோ்ந்த வீரா்கள் பாதுகாப்பு பணியில் ஈடுபட உள்ளனா்.