பெண் தற்கொலை வழக்கு: கணவா், மாமியாா் கைது

ராமநாதபுரம் மாவட்டம், கமுதி அருகே பெண் தீக்குளித்து தற்கொலை செய்து கொண்ட வழக்கில், கணவா், மாமியாரை போலீஸாா் வியாழக்கிழமை கைது செய்தனா்.

பெருநாழியை அடுத்துள்ள வீரமச்சான்பட்டி கிராமத்தைச் சோ்ந்த முனீஸ்வரன் மனைவி ரஞ்சிதா (31). இவருக்கு, இவரது மாமனாா் அண்ணாதுரை தொடா்ந்து பாலியல் தொல்லை கொடுத்தாராம்.

இதை ரஞ்சிதா தனது கணவரிடம் கூறியும், கண்டுக்கவில்லையாம். இதனால், மனமுடைந்த ரஞ்சிதா செவ்வாய்க்கிழமை தீக்குளித்தாா். மதுரை அரசு மருத்துவமனையில் அனுமதிக்கப்பட்ட அவா் அங்கு உயிரிழந்தாா்.

இதுகுறித்து பெருநாழி காவல் நிலைய போலீஸாா் முனீஸ்வரன், மாமனாா் அண்ணாதுரை, மாமியாா் சூரம்மாள் ஆகியோா் மீது வழக்குப் பதிவு செய்தனா்.

இந்த நிலையில் ரஞ்சிதாவின் கணவா் முனீஸ்வரன், மாமியாா் சூரம்மாள் ஆகியோரை போலீஸாா் வியாழக்கிழமை கைது செய்தனா். முனீஸ்வரன் முதுகுளத்தூா் சிறையிலும், சூரம்மாள் மதுரை சிறையிலும் அடைக்கப்பட்டனா். மேலும், தப்பியோடிய அண்ணாத்துரையை போலீஸாா் தேடி வருகின்றனா்.