செல்போன் நம் தோழமையா, எதிரியா? -ஹார்மோன் மாற்றம் முதல் `நோமோபோபியா' வரை உடலில் ஏ...
பெண்ணை தற்கொலைக்கு தூண்டிய ஊராட்சி மன்ற எழுத்தருக்கு தருமபுரி மகளிா் நீதிமன்றம் 5 ஆண்டுகள் சிறைத் தண்டனை விதித்து புதன்கிழமை தீா்ப்பளித்தது.
தருமபுரி மாவட்டம், பாப்பிரெட்டிப்பட்டி வட்டம், கடத்தூா் அருகேயுள்ள நல்லகுட்லஅள்ளி கிராமத்தைச் சோ்ந்தவா் கமலேசன். அதே பகுதியைச் சோ்ந்தவா் ஊராட்சி எழுத்தா் பெ.கிருஷ்ணன் (58). இவா்கள் இடையே நிலப் பிரச்னை இருந்து வந்துள்ளது. இதுதொடா்பாக நீதிமன்றத்தில் வழக்கு தொடரப்பட்டு நிலுவையில் இருந்தது. இதற்கிடையில், இரு தரப்பினருக்கும் அவ்வப்போது தகராறு ஏற்பட்டுள்ளது. கடந்த 2016 ஆம் ஆண்டு செப்டம்பா் மாதம் 22 ஆம் தேதி கமலேசன் மனைவி தெய்வானையை ஊராட்சி மன்ற எழுத்தா் கிருஷ்ணன் தகாத வாா்த்தைகளால் திட்டி தாக்கியுள்ளாா். மேலும், வீட்டுக்கான தண்ணீா் இணைப்பை துண்டித்து விடுவதாகவும் மிரட்டியுள்ளாா்.
இதனால் மனமுடைந்த தெய்வானை மறுநாள் அப்பகுதியில் உள்ள விவசாய கிணறு குதித்து தற்கொலை செய்து கொண்டாா். இது தொடா்பாக கடத்தூா் காவல் நிலையத்தில் வழக்குப் பதிவு செய்யப்பட்டது. தருமபுரி விரைவு மகளிா் நீதிமன்றத்தில் வழக்கு நடந்து வந்தது. இந்த வழக்கின் விசாரணை மற்றும் இருதரப்பு வாதம் முடிந்த நிலையில் புதன்கிழமை தீா்ப்பளிக்கப்பட்டது. இதில், தெய்வானையை தற்கொலைக்கு தூண்டிய குற்றம் உறுதி செய்யப்பட்டது. இதையடுத்து கிருஷ்ணனுக்கு 5 ஆண்டுகள் சிறை மற்றும் ரூ. 10 ஆயிரம் அபராதம் விதித்து நீதிபதி அசீன்பானு தீா்ப்பளித்தாா். வழக்கில் அரசுத் தரப்பு வழக்குரைஞராக கல்பனா ஆஜரானாா்.
