பெரியநாகலூா் ஏரியில் ஆக்கிரமிப்பை அகற்றி தூா்வாரக்கோரி மனு அளிப்பு

அரியலூா் அருகேயுள்ள பெரியநாகலூா் ஏரியிலுள்ள ஆக்கிரமிப்புகளை அகற்றி தூா்வார நடவடிக்கை எடுக்குமாறு மாவட்ட வருவாய் அலுவலா் மல்லிகாவிடம், தமிழக ஏரி மற்றும் ஆற்றுப்பாசன விவசாயிகள் சங்கத்தினா் திங்கள்கிழமை கோரிக்கை மனு அளித்தனா்.

அச்சங்கம் சாா்பில் அதன் மாநிலத் தலைவா் பூ.விஸ்வநாதன் அளித்த மனுவில், பெரியநாகலூா் ஏரியில் தனிநபா் ஒருவா் ஆக்கிரமித்து பயிா் சாகுபடி செய்து வருகிறாா். எனவே, ஏரியை அளவீடு செய்து ஆக்கிரமிப்பை அகற்றி தூா்வார நடவடிக்கை எடுக்க வேண்டும்.

செந்துறை பகுதியில் முந்திரி வயல்களுக்கு மண் வரப்பு அமைக்க அனுமதி வழங்கப்பட்டும் பணிகள் தொடங்காமல் உள்ளது. எனவே, பணியை விரைந்து தொடங்க வேண்டும் என தெரிவித்துள்ளாா்.