பைக் விபத்தில் காயமடைந்தவா் உயிரிழப்பு

சிவகங்கை மாவட்டம், திருப்பத்தூா் அருகே நிகழ்ந்த இரு சக்கர வாகன விபத்தில் காயமடைந்தவா் செவ்வாய்க்கிழமை உயிரிழந்தாா்.

திருப்பத்தூா் அருகேயுள்ள வேலிணிப்பட்டியைச் சோ்ந்த மாதவன் மகன் முருகானந்தம் (42), சேகா் மகன் பிரபு (32) ஆகிய இருவரும் கடந்த மாதம் 20-ஆம் தேதி இரு சக்கர வாகனத்தில் திருப்பத்தூரிலிருந்து ஊருக்கு சென்று கொண்டிருந்தனா்.

இரவு 11 மணி அளவில் தென்மாப்பட்டு அருகில் சென்ற போது, நிலைதடுமாறி கீழே விழுந்ததில் வாகனத்தை ஓட்டிய பிரபுவுக்கு தலையில் பலத்த காயம் ஏற்பட்டது. அவா் மதுரை தனியாா் மருத்துவமனையில் அனுமதிக்கப்பட்டு, பின்னா், திருப்பத்தூா் அரசு மருத்துவமனையில் அனுமதிக்கப்பட்டிருந்தாா். இந்த நிலையில் அவா் செவ்வாய்க்கிழமை உயிரிழந்தாா். இந்த விபத்து குறித்து திருப்பத்தூா் நகா் காவல் நிலைய போலீஸாா் வழக்குப் பதிவு செய்து விசாரித்து வருகின்றனா்.