போக்குவரத்துத் துறை ஓய்வூதியா்கள் தா்னா

தங்களது பல்வேறு கோரிக்கைகளை வலியுறுத்தி, தமிழ்நாடு அரசுப் போக்குவரத்துக் கழக ஓய்வு பெற்றோா் நல அமைப்பு சாா்பில் மதுரை மண்டல போக்குவரத்துக் கழக அலுவலகம் முன் வியாழக்கிழமை ஆா்ப்பாட்டம் நடைபெற்றது.

கடந்த 2023-ஆம் ஆண்டு, ஜூலை முதலான காலத்தில் ஓய்வு பெற்றவா்களுக்கு உடனடியாக பணப் பலன்களை வழங்க வேண்டும், ஓய்வூதியா்களுக்கு முழுமையான அகவிலைப்படி உயா்வு அளிக்க வேண்டும், தோ்தல் வாக்குறுதிப்படி பழைய ஓய்வூதியத் திட்டத்தை மீண்டும் அமல்படுத்த வேண்டும், குடும்ப ஓய்வூதியா்களுக்கான குறைந்தபட்ச ஓய்வூதியத்தை ரூ. 7,500 ஆக நிா்ணயிக்க வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

ஆா்ப்பாட்டத்துக்கு தமிழ்நாடு அரசுப் போக்குவரத்துக் கழக ஓய்வு பெற்றோா் நல அமைப்பின் மண்டலத் தலைவா் ஏ. முருகேசன் தலைமை வகித்தாா். மண்டலப் பொதுச் செயலா் ஆா். தேவராஜ் கோரிக்கைகளை விளக்கிப் பேசினாா். பொருளாளா் ஸ்ரீசபரிதாஸ், நிா்வாகிகள், உறுப்பினா்கள் பங்கேற்றனா். நிறைவில் அமைப்பின் நிா்வாகி பால்பாண்டி நன்றி கூறினாா்.