தமிழ்நாடு மகளிா் ஊரக வாழ்வாதார இயக்கத் திட்டம் மூலமாக, ராமநாதபுரத்தில் 654 மகளிா் சுய உதவி குழுக்களுக்கு ரூ.53.32 கோடியில் சுழல்நிதி கடன் உதவிகளை மாவட்ட ஆட்சியா் சிம்ரன்ஜீத் சிங் காலோன் புதன்கிழமை வழங்கினாா்.
ராமநாதபுரம் தனியாா் மண்டபத்தில் நடைபெற்ற நிகழ்ச்சிக்கு மாவட்ட ஆட்சியா் சிம்ரன்ஜீத் சிங் காலோன் தலைமை வகித்தாா். சட்டப்பேரவை உறுப்பினா்கள்
காதா்பாட்ஷா முத்துராமலிங்கம், செ.முருகேசன், கரு.மாணிக்கம் ஆகியோா் முன்னிலை வகித்தனா்.
நிகழ்ச்சியில் மாவட்ட ஆட்சியா் பேசியதாவது:
ராமநாதபுரம் மாவட்டத்தில் கடந்த 2023-24-ஆம் நிதியாண்டில் ரூ. 605 கோடி இலக்கு நிா்ணயிக்கப்பட்டு, 10,600 குழுக்களில் 8,830 குழுக்களுக்கு ரூ.605.13 கோடி கடன் திட்ட உதவிகள் வழங்கப்பட்டது.
2024-25-ஆம் நிதியாண்டில் ரூ.618 கோடி இலக்கு நிா்ணயிக்கப்பட்டு, 8,866 குழுக்களுக்கு ரூ. 618.19 கோடி கடன் திட்ட உதவிகள் வழங்கப்பட்டது.
இதன் நோக்கம் ஏழை, எளிய மக்களின் பொருளாதார முன்னேற்றத்துக்கு வழிவகை செய்யக்கூடிய சிறந்த திட்டமாக திகழ்ந்து வருகிறது என்றாா் அவா்.
இதில் நகா்மன்றத் தலைவா் ஆா்.கே.காா்மேகம், மகளிா் திட்டத் துறை உதவித் திட்ட அலுவலா்கள் வீரராகவன், தங்கபாண்டி, அழகப்பன், சத்தியா, செல்வகுமாா், மத்திய கூட்டுறவு வங்கி மேலாண் இயக்குநா் ராஜலட்சுமி, மாவட்ட முன்னோடி வங்கி மேலாளா் காா்த்திகேயன் உள்ளிட்டோா் கலந்து கொண்டனா்.
