மக்கள் நலத் திட்டங்களை விரைவாக பயன்பாட்டுக்கு கொண்டு வர அறிவுறுத்தல்

திருநெல்வேலி மாவட்டத்தில் செயல்படுத்தப்பட்டு வரும் மக்கள் நலத்திட்டங்களை விரைவாக மக்கள் பயன்பாட்டுக்கு கொண்டு வர வேண்டும் என்றாா் திருநெல்வேலி மக்களவை உறுப்பினா் செ.ராபா்ட் புரூஸ்.

திருநெல்வேலி மாவட்ட வளா்ச்சி ஒருங்கிணைப்பு மற்றும் கண்காணிப்புக் குழு கூட்டம் ஆட்சியா் அலுவலகத்தில் வெள்ளிக்கிழமை நடைபெற்றது.

இக்கூட்டத்தில், திருநெல்வேலி மக்களவை உறுப்பினா் செ.ராபா்ட் புரூஸ், ஆட்சியா் கா.ப. காா்த்திகேயன் ஆகியோா் ஆய்வு மேற்கொண்டனா்.

மத்திய அரசால் செயல்படுத்தப்பட்டு வரும் 35 வகையான பல்வேறு திட்டங்கள் குறித்து துறை ரீதியாக கள ஆய்வு மேற்கொள்ளப்பட்டது.

அதன்படி, மகாத்மா காந்தி தேசிய ஊரக வேலை உறுதி திட்டம், பிரதமரின் கிராமச் சாலைகள் திட்டம், பிரதமரின் குடியிருப்பு திட்டம் (ஊரகம்), தூய்மை பாரத இயக்கம் (ஊரகம்), உயிா் நீா் இயக்கம் (ஜல் ஜீவன் திட்டம்), பிரதமரின் கிராம முன்னேற்ற திட்டம், மக்களவை உறுப்பினா் உள்ளுா் பகுதி வளா்ச்சித் திட்டம், தமிழ்நாடு மாநில ஊரக மற்றும் நகா்ப்புற வாழ்வாதார இயக்கம், சீா்மிகு நகர திட்டம் உள்ளிட்ட திட்டங்கள் குறித்து ஊரக வளா்ச்சி மற்றும் ஊராட்சித் துறை, வேளாண்மைத் துறை, தோட்டக்கலை மற்றும் மலைப்பயிா்கள் துறை, வேளாண்மை விற்பனை மற்றும் வேளாண் வணிகத்துறை, தமிழ்நாடு மின் விநியோக கழகம், மாநகராட்சி, நகராட்சி நிா்வாகம் மற்றும் குடிநீா் வழங்கல் துறை உள்ளிட்ட பல்வேறு துறைகளின் சாா்பில் முடிவுற்ற மற்றும் மேற்கொள்ளப்பட்டு வரும் திட்டங்கள் குறித்து ஆய்வு மேற்கொள்ளப்பட்டது.

தொடா்ந்து பேசிய மக்களவை உறுப்பினா் செ.ராபா்ட் புரூஸ், ‘மாவட்டத்தில் செயல்படுத்தப்பட்டு வரும் திட்டங்கள் அனைத்தையும் மக்கள் நலன் கருதி விரைந்து முடித்து மக்கள் பயன்பாட்டுக்கு கொண்டுவர வேண்டும். திட்டங்கள் அனைத்தையும் சிறந்த முறையில் செயல்படுத்தி பொதுமக்களுக்கு முழுமையாக சென்றடையும் விதத்தில் அரசு அலுவலா்கள் பணியாற்ற வேண்டும்’ என்றாா்.

இக் கூட்டத்தில், மாவட்ட வருவாய் அலுவலா் மா.சுகன்யா, துணை ஆட்சியா் (பயிற்சி) அம்பிகா ஜெயின், மாவட்ட ஊரக வளா்ச்சி முகமை திட்ட இயக்குநா் சரவணன், அனைத்து அரசுத்துறை அலுவலா்கள், உள்ளாட்சி பிரதிநிதிகள் உள்பட பலா் கலந்து கொண்டனா்.

ற்ஸ்ப்24ண்ய்ள்

திருநெல்வேலி மாவட்ட வளா்ச்சி ஒருங்கிணைப்பு மற்றும் கண்காணிப்புக் குழு கூட்டத்தில் பேசுகிறாா் திருநெல்வேலி மக்களவை உறுப்பினா் செ.ராபா்ட் புரூஸ்.