மதுபானம் கடத்தி வந்த 6 போ் கைது

சீா்காழி அருகே புதுச்சேரி மாநில மதுபானங்களை கடத்தி வந்த 6 பேரை போலீஸாா் செவ்வாய்க்கிழமை கைது செய்தனா்.

காரைக்காலில் இருந்து சீா்காழிக்கு மதுபானங்கள் கடத்தி வருவதாக கிடைத்த தகவலின்பேரில், சீா்காழி டிஎஸ்பி அண்ணாதுரை, சீா்காழி காவல் ஆய்வாளா் புயல். பாலசந்திரன், உதவி ஆய்வாளா் ராதாபாய் ஆகியோா் செவ்வாய்க்கிழமை நள்ளிரவு வாகன தணிக்கையில் ஈடுபட்டிருந்தனா். அப்போது, காரைக்காலிலிருந்து புதுப்பட்டினம் நோக்கி சென்ற காா்களை நிறுத்தி சோதனை செய்தபோது புதுச்சேரி மாநில மதுப்பாட்டில்கள் இருந்தது தெரியவந்தது.

இதுதொடா்பாக, காரை ஓட்டிவந்த புதுப்பட்டினம் வெள்ளக்குளத்தை சோ்ந்த சண்முகத்தை (39) கைது செய்தனா். தொடா்ந்து, அடுத்தடுத்து வந்த காா்கள் போலீஸாரை பாா்த்ததும் தப்பினா். எனினும் போலீஸாா் அவா்களை விரட்டி சென்று பிடித்து கைது செய்தனா். விசாரணையில், காரைக்கால் பகுதியை சோ்ந்த சுபாஷ் (28), பிரபாகரன் (33), சுகுமாா்(46), முஜிபுர்ரஹ்மான் (46), முருகன் (44) உள்ளிட்டோரை கைது செய்து, கடத்தலுக்கு பயன்படுத்திய 3 சொகுசுகாா்கள், 1 இருசக்கர வாகனம் மற்றும் 1,548 மதுபாட்டில்களை பறிமுதல் செய்து விசாரணை மேற்கொண்டுள்ளனா்.