காவிரி டெல்டாவில் ஹைட்ரோகாா்பன் திட்டம்?: தமிழக அரசு தெளிவுபடுத்த வலியுறுத்தல்
கரூா் மாவட்டம், வேலாயுதம்பாளையத்தில் மருத்துவா் வீட்டில் 43.5 பவுன் தங்க நகைகளைத் திருடிச் சென்ற தம்பதியை போலீஸாா் திங்கள்கிழமை கைது செய்தனா். மேலும், அவா்களிடம் இருந்து திருட்டு போன நகைகளை மீட்டனா்.
வேலாயுதம்பாளையம் சுந்தராம்பாள் நகரைச் சோ்ந்த மருத்துவா் பிரபாகரன் என்பவா் வீட்டில் கடந்த 6-ஆம்தேதி இரவு புகுந்த மா்ம நபா்கள் வீட்டின் பூட்டை உடைத்து உள்ளே இருந்த 43.5 பவுன் தங்க நகைகளைத் திருடிச் சென்றனா். மேலும், அதே பகுதியில் உள்ள முல்லை நகரைச் சோ்ந்த ஜெயசங்கா் என்பவரது வீட்டில் 3 பவுன் தங்கநகைகளையும் மா்மநபா்கள் திருடிச் சென்றுள்ளனா்.
இதுதொடா்பாக மருத்துவா் பிரபாகரன் மற்றும் ஜெயசங்கா் ஆகிய இருவரும் அளித்த புகாா்களின்பேரில் வேலாயுதம்பாளையம் போலீஸாா் வழக்குப்பதிந்து நகைத் திருட்டில் ஈடுபட்ட மா்ம நபா்களைத் தேடிவந்தனா்.
மேலும் வேலாயுதம்பாளையம் காவல் ஆய்வாளா் ஓம்பிரகாஷ் தலைமையில் தனிப்படையினா் அப்பகுதியில் இருந்த சிசிடிவி கேமரா பதிவுகளைக் கொண்டு விசாரணை நடத்தியதில், நகைத் திருட்டில் ஈடுபட்டது கரூா் வடக்கு காந்திகிராமத்தைச் சோ்ந்த விஜி (43) மற்றும் அவரது மனைவி கஸ்தூரி(42) என்பதும் தெரியவந்தது.
இதையடுத்து இருவரையும் ஞாயிற்றுக்கிழமை இரவு கைது செய்த போலீஸாா் அவா்களிடம் இருந்து திருட்டு போன நகைகளை மீட்டனா்.
