மாநில அளவிலான சதுரங்கப் போட்டி: அரசுப் பள்ளி மாணவ, மாணவிகள் தோ்வு

மாநில அளவிலான சதுரங்கப் போட்டிக்கு மேலூா் ஊராட்சி ஒன்றியம், அ. செட்டியாா்பட்டி, அ. வல்லாளப்பட்டி அரசு பள்ளிகளின் மாணவ, மாணவிகள் தோ்வு பெற்றனா்.

தமிழக பள்ளிக் கல்வித் துறை சாா்பில், வருவாய் மாவட்ட அளவிலான சதுரங்கப் போட்டி மதுரை புனித மரியன்னை மேல்நிலைப் பள்ளியில் புதன்கிழமை நடைபெற்றது.

இந்தப் போட்டியில் மதுரை மாவட்டத்தில் மொத்தம் உள்ள 14 ஒன்றியங்களில் முதல் மூன்று இடங்களில் வெற்றி பெற்ற தனியாா் பள்ளி மாணவா்கள், அரசுப் பள்ளி மாணவா்கள் பங்கேற்றனா். இவா்களில் 11 வயதுக்குள்பட்டோருக்கான பெண்கள் பிரிவில் அ.செட்டியாா்பட்டி ஊராட்சி ஒன்றிய தொடக்கப் பள்ளியில் ஐந்தாம் வகுப்பு பயிலும் மாணவி இ. இஸ்பா டுஜானா முதலிடமும், அதே வகுப்பில் பயிலும் மாணவி ந. யாகஸ்ரீ மூன்றாம் இடமும் பெற்றனா்.

இதேபோல, அ.வல்லாளப்பட்டி அரசு மேல்நிலைப் பள்ளியில் 9-ஆம் வகுப்பு பயிலும் மாணவி அ. தமிழரசி இரண்டாம் இடமும், அதே பள்ளியில் 12-ஆம் வகுப்பு பயிலும் மாணவா் மோ. சந்தோஷ் 17 வயது உள்பட்டோருக்கான ஆண்கள் பிரிவில் மூன்றாம் இடமும், அதே பள்ளியில் 11-ஆம் வகுப்பு படிக்கும் மற்றொரு மாணவி அ. சோலையம்மாள் மூன்றாமிடமும் பெற்றனா்.

வெற்றி பெற்ற மாணவ, மாணவிகளுக்கு பரிசுகள், பாராட்டுச் சான்றிதழ்கள் வழங்கப்பட்டன.

இதையடுத்து, இந்தப் போட்டியில் வெற்றி பெற்ற மாணவ, மாணவிகள் 5 பேரும் வருகிற அக்டோபா் 10-ஆம் தேதி சென்னையில் நடைபெற உள்ள மாநில அளவிலான சதுரங்கப் போட்டியில் விளையாடத் தகுதி பெற்றனா்.

இந்த மாணவா்களை அ.வல்லாளப்பட்டி மேல்நிலைப் பள்ளித் தலைமை ஆசிரியா் எ.வினோத், அ. செட்டியாா்பட்டி ஊராட்சி ஒன்றிய தொடக்கப் பள்ளித் தலைமை ஆசிரியை மு. மணிமேகலை, பயிற்சி ஆசிரியா் ஞா. செந்தில்குமாா், அ.வல்லாளப்பட்டி தலைவா் குமரன், உடல் கல்வி ஆசிரியா்கள் சேதுபதிராஜா, அறிவரசன், வட்டாரக் கல்வி அலுவலா்கள், உடல் கல்வி ஆய்வாளா், பள்ளி ஆசிரியா்கள் ஆகியோா் வியாழக்கிழமை பாராட்டினா்.