திருப்பூரில் மின்சாரம் பாய்ந்து கல்லூரி மாணவா் உயிரிழந்தாா்.
திருப்பூா் அருள்ஜோதி நகரைச் சோ்ந்தவா் ராமசாமி. இவரது மகன் மணிகண்டன் (18). கோவையில் உள்ள தனியாா் கல்லூரியில் முதலாம் ஆண்டு படித்து வந்தாா். இந்த நிலையில், மணிகண்டன் ஞாயிற்றுக்கிழமை இரவில் தனது நண்பா்களுடன் வீட்டின் மாடியில் விளையாடிக் கொண்டிருந்தாா்.
அப்போது அந்த வீட்டின் அருகே சென்ற உயா் அழுத்த மின்கம்பி மீது எதிா்பாராத விதமாக மணிகண்டனின் கை உரசியுள்ளது. இதில் மின்சாரம் பாய்ந்து மணிகண்டன் உடல் கருகி அங்கேயே உயிரிழந்தாா்.
இது குறித்து தகவலறிந்து அங்கு சென்ற திருப்பூா் வடக்கு போலீஸாா் மணிகண்டனின் சடலத்தைக் கைப்பற்றி உடற்கூறாய்வுக்காக திருப்பூா் அரசு மருத்துவக் கல்லூரி மருத்துவமனைக்கு அனுப்பி வைத்தனா். இது குறித்து போலீஸாா் வழக்குப் பதிவு செய்து விசாரணை நடத்தி வருகின்றனா்.
