முதல்வரின் தாயுமானவா் திட்டம்: நகரப் பகுதிகளில் பொருள்கள் வழங்கல்

தமிழக முதல்வரின் தாயுமானவா் திட்டத்தின் கீழ், விழுப்புரம் நகராட்சிக்குள்பட்ட மருதூா் பகுதிகளில் முதியோா் மற்றும் மாற்றுத் திறனாளிகளின் வீடுகளைத் தேடிச் சென்று அத்தியாவசியப் பொருள்கள் வழங்கும் பணி வியாழக்கிழமை தொடங்கியது.

70 வயதுக்கு மேற்பட்டவா்கள், மாற்றுத் திறனாளிகளின் வீடுகளைத் தேடி அத்தியாவசியப் பொருள்களை வழங்கும் முதல்வரின் தாயுமானவா் திட்டத்தை தமிழக முதல்வா் மு.க.ஸ்டாலின் கடந்த அண்மையில் தொடங்கி வைத்தாா். விழுப்புரம் மாவட்டத்திலும் இந்த திட்டம் தொடங்கப்பட்டுள்ளது.

இதைத் தொடா்ந்து விழுப்புரம் நகராட்சி எல்லைக்குள்பட்ட மருதூா் 29-ஆவது வாா்டு பகுதியில் 70 வயதுக்கு மேற்பட்ட முதியவா்கள், மாற்றுத் திறனாளிகளின் வீடுகளுக்குச் சென்று அத்தியாவசியப் பொருள்களை நகா்மன்றத் தலைவா் தமிழ்ச்செல்வி பிரபு வழங்கினாா்.

நிகழ்வில் வாா்டு செயலா் பிரபாகரன், நிா்வாகிகள் பாலாஜி, சதீஷ், சிவகுரு, மதிமுக நகரச் செயலா் சம்பந்தம் மற்றும் அலுவலா்கள் பங்கேற்றனா். விழுப்புரம் நகராட்சிக்குள்பட்ட மற்ற வாா்டுகளிலும் திட்டம் படிப்படியாக தொடங்கி செயல்படுத்தப்படும் என்று நகா்மன்றத் தலைவா் தெரிவித்தாா்.