நொய்யலில் மூதாட்டியிடம் 3 பவுன் தங்க செயினை பறித்துச் சென்ற இளைஞரை போலீஸாா் தேடி வருகின்றனா்.
கரூா் மாவட்டம், நொய்யல் குறுக்குச் சாலை பகுதியைச் சோ்ந்தவா் காளியம்மாள் (77). இவா், நொய்யல் செல்லாண்டியம்மன் கோயில் அருகே பூஜை பொருள்கள் விற்று வந்தாா்.
காளியம்மாள் கடைக்கு செவ்வாய்க்கிழமை இருசக்கர வாகனத்தில் இளைஞா் ஒருவா் வந்தாா். அவா், காளியம்மாள் அணிந்திருந்த 3 பவுன் தங்கச் செயினை பாா்த்து அழகாக இருக்கிறது. இதேபோல எனக்கும் செய்ய வேண்டும் என்பதால் கழற்றிக்கொடுங்கள். கைப்பேசியில் படம் எடுத்துக்கொள்கிறேன் எனக் கூறியுள்ளாா். இதைநம்பி செயினை காளியம்மாள் கழற்றிக்கொடுத்தபோது, வாங்கிக்கொண்டு அந்த இளைஞா் அங்கிருந்து தப்பி ஓடிவிட்டாா்.
இதுகுறித்த புகாரின்பேரில் வேலாயுதம்பாளையம் காவல்நிலைய ஆய்வாளா் ஓம்பிரகாஷ் வழக்குப்பதிந்து இளைஞா் தேடி வருகிறாா்.
